കൗമാരക്കാരൻ ഓടിച്ച കാറിടിച്ച് യുവതി മരിച്ചു

നോയിഡ > ​ഗ്രേറ്റർ നോയിഡയിൽ 17കാരൻ ഓടിച്ച കാറിടിച്ച് യുവതി മരിച്ചു. വഴിയരികിലൂടെ നടന്നുപോവുകയായിരുന്ന യുവതിയാണ് അമിതവേ​ഗത്തിലെത്തിയ എസ്യുവി ഇടിച്ച് മരിച്ചത്. യുപിയിലെ ജത്പുര സ്വദേശിനിയായ യുവതിയാണ് മരിച്ചത്.

സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു. അമിതവേ​ഗത്തിലെത്തിയ എസ്യുവി യുവതിയെ ഇടിച്ച് തെറിപ്പിക്കുകയായിരുന്നു. യുവതിയുടെ മൃതദേഹം പോസ്റ്റ്മോർട്ടത്തിനയച്ചു. സംഭവത്തിൽ പൊലീസ് കേസെടുത്തു.