പ്രകാശ് കാരാട്ട് സിപിഐ എം പിബി, കേന്ദ്ര കമ്മിറ്റി കോ- ഓർഡിനേറ്റർ

ന്യൂഡൽഹി > സിപിഐ എം പൊളിറ്റ്ബ്യൂറോയുടെയും കേന്ദ്ര കമ്മിറ്റിയുടെയും കോ-  ഓർഡിനേറ്ററായി പിബി അംഗം പ്രകാശ് കാരാട്ടിനെ ചുമതലപ്പെടുത്തി. ജനറൽ സെക്രട്ടറിയായിരുന്ന സീതാറാം യെച്ചൂരിയുടെ വിയോഗത്തെ തുടർന്നാണ് ഡൽഹിയിൽ നടക്കുന്ന കേന്ദ്ര കമ്മിറ്റിയോഗം കാരാട്ടിന്‌ ചുമതല നൽകിയത്‌.

   അടുത്തവർഷം ഏപ്രിലിൽ തമിഴ്‌നാട്ടിലെ മധുരയിൽ ചേരുന്ന 24–-ാം പാർടി കോൺഗ്രസ്‌ വരെയാണ് താത്‌കാലിക ക്രമീകരണമെന്ന് കേന്ദ്ര കമ്മിറ്റി വാർത്താക്കുറിപ്പിൽ അറിയിച്ചു. കേന്ദ്ര കമ്മിറ്റി യോഗം തിങ്കളാഴ്ച സമാപിക്കും. 2005 മുതൽ 2015വരെ പാർടി ജനറൽ സെക്രട്ടറിയായിരുന്നു കാ
രാട്ട്‌.