സ്വർണവിലയിൽ നേരിയ ഇടിവ്: പവന് 80 രൂപ കുറഞ്ഞു

കൊച്ചി : സംസ്ഥാനത്ത് സ്വർണവിലയിൽ നേരിയ ഇടിവ്. പവന് ഇന്ന് 80 രൂപ കുറഞ്ഞു. 65,680 രൂപയിലാണ് ഇന്ന് സ്വർണവ്യാപാരം നടക്കുന്നത്. ഇന്നലെ 65,760 രൂപയായിരുന്നു വില. ​ഗ്രാമിന് 10 രൂപ കുറഞ്ഞ് 8,210 ആയി. മൂന്ന് ദിവസത്തിനിടെ പവന് 1,680 രൂപ വർധിച്ച ശേഷമാണ് ശനിയാഴ്ച 80 രൂപ കുറഞ്ഞത്.

പണിക്കൂലിയടക്കം ഒരു പവൻ സ്വർണം വാങ്ങാൻ 70,000 രൂപയിലധികം നൽകേണ്ടി വരും. 24 കാരറ്റിന് പവന് 71,648 രൂപയും ​ഗ്രാമിന് 8,956 രൂപയുമാണ് വില. 18 കാരറ്റിന് പവന് 53,744 രൂപയും ​ഗ്രാമിന് 6,718 രൂപയുമാണ് വില. ഫെബ്രുവരി 11ന് പവൻ വില 64,000 കടന്നിരുന്നു. 20നാണ് പവൻ വില ചരിത്രത്തിലാദ്യമായി 64,500 കടന്നത്.

ജനുവരി 22നാണ് സ്വർണവില ആദ്യമായി 60,000 കടന്നത്. അന്താരാഷ്ട്ര വിപണിയിലെ മാറ്റങ്ങളും ട്രംപിന്റെ വ്യാപാരയു​ദ്ധവും താരിഫുമെല്ലാം രാജ്യത്തെ സ്വർണവിലയിൽ പ്രതിഫലിക്കുന്നുണ്ട്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്ക്ക് ​ഗ്രാമിന് 111.90 രൂപയും കിലോ​ഗ്രാമിന് 1,11,900 രൂപയുമാണ് വില.

മാർച്ചിലെ സ്വർണവില പവനിൽ

മാർച്ച് 1 : 63,520

മാർച്ച് 2 : 63,520

മാർച്ച് 3 : 63,520

മാർച്ച് 4 : 64,080

മാർച്ച് 5 : 64,520

മാർച്ച് 6 : 64,160

മാർച്ച് 7 : 63,920

മാർച്ച് 8 : 64,320

മാർച്ച് 9 : 64,320

മാർച്ച് 10 : 64,400

മാർച്ച് 10 : 64,160

മാർച്ച് 12 : 64,520

മാർച്ച് 13 : 64,960

മാർച്ച് 14 : 65,840

മാർച്ച് 15 : 65,760

മാർച്ച് 16 : 65,760

മാർച്ച് 17 : 65,680