സ്വർണവിലയിൽ മാറ്റമില്ല; പവൻവില 72,000ത്തിൽ തന്നെ

കൊച്ചി : സംസ്ഥാനത്ത് സ്വർണവിലയിൽ ഇന്ന് ചലനങ്ങളില്ല. 72,480 രൂപയിലാണ് സ്വർണവ്യാപാരം നടക്കുന്നത്. ഇന്നലെയും ഇതേ വിലയിൽ തന്നെയാണ് വ്യാപാരം നടന്നത്. ഗ്രാമിന് 9,060 രൂപയാണ്. തുടർച്ചയായ മൂന്ന് ദിവസം കൊണ്ട് 1520 രൂപ വർദ്ധിച്ച ശേഷം പവന് വെള്ളിയാഴ്ച 440 രൂപ കുറഞ്ഞിരുന്നു. തുടർന്ന് ഇന്നലെ 80 രൂപ വീണ്ടും വർധിച്ചു.

അഞ്ച് ശതമാനം പണിക്കൂലിയും നികുതിയും ഉൾപ്പെടെ ഒരുപവന് 78,000ത്തോളം രൂപ നൽകേണ്ടി വരും. 24 കാരറ്റിന് പവന് 79,064 രൂപയും ​ഗ്രാമിന് 9,883 രൂപയുമാണ് വില. 18 കാരറ്റിന് പവന് 59,304 രൂപയും ​ഗ്രാമിന് 7,413 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില ഏപ്രിൽ 12നാണ് ആദ്യമായി 70,000 കടന്നത്. ​തുടർന്ന് ഏപ്രിൽ 17ന് പവൻ വില 71,000ഉം ഏപ്രിൽ 22ന് വില 74,000ഉം കടന്നു.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്ക്ക് ​ഗ്രാമിന് 120 രൂപയും കിലോ​ഗ്രാമിന് 1,20,000 രൂപയുമാണ് വില.

ജൂലൈയിലെ സ്വർണവില

ജൂലൈ 1 : 72,160

ജൂലൈ 2 : 72,520

ജൂലൈ 3 : 72,840

ജൂലൈ 4 : 72,400

ജൂലൈ 5 : 72,480

ജൂലൈ 6 : 72,480