സ്വർണവിലയിൽ നേരിയ കുറവ്

വെബ് ഡെസ്ക്

Published on Apr 24, 2025, 11:34 AM | 2 min read

കൊച്ചി : സംസ്ഥാനത്തെ സ്വർണവിലയിൽ നേരിയ കുറവ്. പവന് ഇന്ന് 80 രൂപ കുറഞ്ഞു. ഇന്ന് 72,040 രൂപയിലാണ് സ്വർണവ്യാപാരം നടക്കുന്നത്. ഇന്നലെ പവന് 2,200 രൂപ കുറഞ്ഞിരുന്നു. ഗ്രാമിന് 10 രൂപ കുറഞ്ഞ് വില 9,005 ആയി. രണ്ട് ദിവസം മുമ്പ് പവൻ വില 74,320 എന്ന റെക്കോർഡിലെത്തിയിരുന്നു. ഒരു ദിവസത്തിനു ശേഷം അതേവില തന്നെ കുറഞ്ഞ് ഇന്നലെ 72,120 ആയി.

24 കാരറ്റിന് പവന് 78,592 രൂപയും ഗ്രാമിന് 9,824 രൂപയുമാണ് വില. 18 കാരറ്റിന് പവന് 58,944 രൂപയും ഗ്രാമിന് 7,368 രൂപയുമാണ് വില. ജനുവരി 22നാണ് സ്വർണവില ആദ്യമായി 60,000 കടന്നത്. തുടർന്ന് ഫെബ്രുവരി 11ന് പവൻ വില 64,000 കടന്നിരുന്നു. മാർച്ച് 14ന് 65,000 കടന്ന വില 5 ദിവസങ്ങൾ കൊണ്ട് വർധിച്ച് മാർച്ച് 18ന് 66,000 കടന്നു. ഏപ്രിൽ ഒന്നിനാണ് പവൻ വില ആദ്യമായി 68,000 കടന്നത്. ഏപ്രിൽ 11ന് വില 69,000കടന്നു. ഈ മാസം 12നാണ് പവൻ വില ആദ്യമായി 70,000 കടന്നത്. തുടർന്ന് 17ന് പവൻ വില 71,000ഉം 22ന് വില 74,000ഉം കടന്നു.

രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കുന്നത്. അന്താരാഷ്ട്ര വിപണിയിലെ മാറ്റങ്ങളും ട്രംപിന്റെ വ്യാപാരയുദ്ധവും താരിഫുമെല്ലാം രാജ്യത്തെ സ്വർണവിലയിൽ പ്രതിഫലിക്കുന്നുണ്ട്. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കുന്നത്. വെള്ളിയ്ക്ക് ഗ്രാമിന് 110.90 രൂപയും കിലോഗ്രാമിന് 1,10,900 രൂപയുമാണ് വില.

ഏപ്രിലിലെ സ്വർണവില

ഏപ്രിൽ 1 : 68,080

ഏപ്രിൽ 2 : 68,080

ഏപ്രിൽ 3 : 68,480

ഏപ്രിൽ 4 : 67,200

ഏപ്രിൽ 5 : 66,480

ഏപ്രിൽ 6 : 66,480

ഏപ്രിൽ 7 : 66,280

ഏപ്രിൽ 8 : 65,800

ഏപ്രിൽ 9 : 66,320

ഏപ്രിൽ 10 : 68,480

ഏപ്രിൽ 11 : 69, 960