സംസ്ഥാന സ്‌കൂൾ കലോത്സവം

ആലപ്പുഴ

സ‌്കൂൾ കലോത്സവ പാചകപ്പുരയിലേക്കുള്ള പച്ചക്കറിയും പലവ്യഞ്ജനങ്ങളും ബുധനാഴ‌്ച ഏറ്റുവാങ്ങും. സൗജന്യമായി ഭക്ഷണവിതരണം ഏറ്റെടുത്ത കെഎസ‌്ടിഎ മുഖേനയാണ‌് വിഭവങ്ങളെല്ലാം ഇ എം എസ‌് സ‌്റ്റേഡിയത്തിലെ പാചകപ്പുരയിൽ എത്തുന്നത‌്. കെഎസ‌്ടിഎ അംഗങ്ങളിൽനിന്ന‌് തന്നെ സാമഹരിക്കുന്നവയാണ‌് ഇവയെല്ലാം. എണ്ണയും നാളികേരവും കൊല്ലം ജില്ലാ കമ്മിറ്റിയാണ‌് നൽകുന്നത‌്. തേയില ഇടുക്കിയിൽനിന്ന‌്. വെള്ളരിക്കയും കറിനാരങ്ങയും എറണാകുളം നൽകും. പത്തനംതിട്ടയിൽനിന്ന‌്  ചേന, കായ എന്നിവയും കോട്ടയം പഞ്ചസാരയും ശർക്കരയും എത്തിക്കും. ആലപ്പുഴയിലെ 11 ഉപജില്ലാ കമ്മിറ്റികൾ മുഖേന പച്ചക്കറികളും പലവ്യജ്ഞനങ്ങളും കൊണ്ടുവരുന്നുണ്ട‌്. ഭക്ഷണകമ്മിറ്റി ചെയർമാൻ പി പി ചിത്തരഞ‌്ജൻ ഏറ്റുവാങ്ങും. 

 ദിവസേന 12,000 പേർക്ക‌് ഭക്ഷണമൊരുക്കാനുള്ള തയ്യാറെടുപ്പാണ‌് കെഎസ‌്ടിഎ നടത്തിയിട്ടുള്ളത‌്.  പ്രഭാതഭക്ഷണമായി പുട്ട‌്, ഉപ്പുമാവ‌്, ഇഡ്ഡലി എന്നിവയിലേതെങ്കിലും ഓരോ ദിവസവും നൽകും. ഉച്ചഭക്ഷണത്തിന‌് അഞ്ചുതരം കറികളും പായസവുമുണ്ട‌്. അവസാനദിനമായ ഒമ്പതിന‌് അമ്പലപ്പുഴ പാൽപ്പായസമൊരുക്കിയാണ‌് ഉച്ചഭക്ഷണം. ഇ എം എസ‌് സ‌്റ്റേഡിയത്തിൽ തയ്യാറാക്കുന്ന ഭക്ഷണം നാല‌് കേന്ദ്രങ്ങളിൽ വിതരണംചെയ്യും. ഇ എം എസ‌് സ‌്റ്റേഡിയം, എസ‌്ഡ‌ിവി മൈതാനം, തിരുവമ്പാടി യുപിഎസ‌്, പൂങ്കാവ‌് എംഐഎച്ച‌്എസ‌് എന്നീ വേദികളിലാണ‌് ഭക്ഷണവിതരണം. 

കേരളം നേരിട്ട പ്രളയക്കെടുതിയുടെ പശ്ചാത്തലത്തിലാണ‌് കെഎസ‌്ടിഎ സംസ്ഥാന സ‌്കൂൾ കലോത്സവത്തിന്റെ  ഭക്ഷണച്ചുമതല ഏറ്റെടുത്തത‌്. കെഎസ‌്ടിഎയുടെ അഭ്യർഥന മാനിച്ച‌് പഴയിടം മോഹനൻനമ്പൂതിരി സൗജന്യമായി ഭക്ഷണം പാകംചെയ്യും. മാലിന്യപ്രശ‌്നം പരിഹരിക്കാൻ സ‌്റ്റീൽപ്ലേറ്റും ഗ്ലാസും ഭക്ഷണത്തിന‌് ഉപയോഗിക്കും. 

പ്ലാസ‌്റ്റിക‌് കുപ്പി കൊണ്ടുവന്നാൽ 10 രൂപ

ആലപ്പുഴ