19 May Sunday

STOP ആസ്‌തമ.. .. അലർജിയുള്ളവരിൽ ആസ‌്ത‌്മ സാധ്യത കൂടുതൽ

വെബ് ഡെസ്‌ക്‌Updated: Friday May 10, 2019

STOP ആസ്‌തമ.. 
S -–- Symptom Evaluation
T -–- Test response
O –- Observe and assess
P –- Proceed to adjust treatment

സ്‌റ്റോപ്പ്‌ എന്നാൽ എസ്‌‐ലക്ഷണം വിലയിരുത്തുക, ടി‐ടെസ്‌റ്റ്‌ ഫലം , ഒ‐നിരീക്ഷണവും വിലയിരുത്തലും, പി‐ചികിത്സയിലേക്കു നീങ്ങുക.   ഈ വർഷത്തെ അന്താരാഷ‌്ട്ര ആസ‌്ത‌്മദിനത്തിന്റെ ആപ‌്തവാക്യമാണ്‌ സ്‌റ്റോപ്പ്‌. ഈ ദിനം ഈ വർഷം മെയ‌് 7നാണ‌് ആചരിച്ചത്‌.

എന്താണ‌് ആസ‌്ത‌്മ
അമിത പ്രതിരോധശേഷിമൂലം ശ്വാസനാളിയിലുണ്ടാകുന്ന ചുരുക്കമാണ‌് ആസ‌്ത‌്മ എന്ന പ്രതിഭാസത്തിനു കാരണം. ഈ അമിത പ്രതിരോധം ശ്വാസനാളിയിലുണ്ടാക്കുന്ന നീർവീക്കമാണ‌് രോഗലക്ഷണമായ ചുമ, കുറുങ്ങൽ, ശ്വാസതടസ്സം എന്നിവയ‌്ക്കു കാരണം. ഈ നീർവീക്കത്തിനു കാരണമാകുന്ന ഘടകങ്ങൾ പൊടിപടലങ്ങൾ, പൂമ്പൊടികൾ, പുക, കാലാവസ്ഥാവ്യതിയാനങ്ങൾ അണുബാധ എന്നിവയാണ‌്. ഇന്ത്യയിൽ 10 കോടി ആസ‌്ത‌്മാരോഗികൾ ഉണ്ടെന്നാണ‌് കണക്കുകൾ സൂചിപ്പിക്കുന്നത‌്. 4.5 ശതമാനമാണ‌് ലോകമാകമാനമുള്ള തോത‌്.

കാരണങ്ങൾ
ആസ‌്ത‌്മ ഒരു പാരമ്പര്യരോഗമെന്ന‌് വിശേഷിപ്പിക്കാൻ പറ്റുകയില്ലെങ്കിലും ഒരു ജനിതകഘടകം ഉണ്ടെന്നതുതന്നെ പറയാം. അലർജിയുള്ള വ്യക്തികളിലാണ‌് ആസ‌്ത‌്മ കണ്ടുവരുന്നത‌്. അലർജിയുള്ള 30 ശതമാനം വ്യക്തികളിൽ ആസ‌്ത‌്മ ഉണ്ടാകാം. ചികിത്സിച്ചു ഭേദമാക്കാവുന്ന ഒരു രോഗമല്ല ആസ‌്ത‌്മ. പക്ഷേ, ശരിയായ ചികിത്സയും ജീവിതരീതി മാറ്റങ്ങൾകൊണ്ട‌് വരുതിയിൽവരുന്ന രോഗമാണ‌്.

രോഗനിർണയം
രോഗലക്ഷണങ്ങൾ, ശ്വാസതടസ്സം എന്നിവ വിലയിരുത്തിയാണ‌് രോഗനിർണയം നടത്തുന്നത‌് പൾമണറി ഫങ്‌ഷൻ ടെസ്‌റ്റ്‌/സ്‌പൈറോമെട്രി റിസൽട്ട്‌ ബേസ്‌  (Pulmonary function Test (PFT)/spirometry result base )ചെയ‌്താണ‌് രോഗത്തിന്റെ കാഠിന്യം നിർണയിക്കുന്നതും ചികിത്സിക്കുന്നതും.

ചികിത്സ
ആസ‌്ത‌്മയുടെ തോത‌് നിർണയിക്കുന്നതിനും ചികിത്സ ‌നിശ‌്ചയിക്കുന്നതും അന്താരാഷ‌്ട്ര സംഘടനയായ (GINA )യുടെ മാനദണ്ഡമനുസരിച്ച‌ാണ‌്.
പ്രധാനമായും കണിക രൂപത്തിലുള്ള മരുന്നുകളാണ‌് ആസ‌്ത‌്മ ചികിത്സയ‌്ക്കായി ഉപയോഗിക്കുന്നത‌്. ഈ മരുന്നുകൾ ശ്വാസനാളങ്ങളുടെ ഭിത്തികളിലുണ്ടാകുന്ന നീർക്കെട്ട‌് തടയാൻ ഉപകരിക്കും. തന്മൂലം ശ്വാസനാളങ്ങളുടെയും ശ്വാസകോശങ്ങളുടെയും പ്രവർത്തനക്ഷമത നിലനിർത്തുകയും ചെയ്യും. ഇത‌് രോഗലക്ഷണങ്ങളിൽനിന്നും മുക്തി നൽകുകയും ജീവിത  ആരോഗ്യനിലവാരം നിലനിർത്താൻ സഹായിക്കുകയും ചെയ്യും.

തെറ്റിദ്ധാരണ
ഇൻഹേലർ മരുന്നുകൾ പാർശ്വഫലങ്ങളുള്ളവയാണെന്നും ക്രമേണ ഡോസ‌് അധികരിക്കുമെന്നും  ഗർഭിണികൾ  ഉപയോഗിച്ചാൽ  കുഞ്ഞിനു അംഗവൈകല്യങ്ങൾ ഉണ്ടാകുമെന്നും ഒരുപാടു തെറ്റിദ്ധാരണകൾ ഉണ്ട‌്. ഇവയെല്ലാം കേവലം തെറ്റിദ്ധാരണങ്ങൾ മാത്രമാണ‌്. ഡോക്ടർ നിർദേശിച്ചപ്രകാരം ഇൻഹേലർ ഉപയോഗിക്കുകയാണെങ്കിൽ പാർശ്വഫലങ്ങൾ പരിമിതമാണ‌്‌. ഈ മരുന്നുകൾ ശ്വാസനാളങ്ങളുടെ പ്രവർത്തനം നിലനിർത്തുകയും ചെയ്യും.

ഗർഭിണികളിൽ ഇൻഹേലർ സുരക്ഷിതമായ  മരുന്നുകളാണ‌്. അമ്മയുടെ ശ്വാസനാളങ്ങളുടെ പ്രവർത്തനക്ഷമത ഉറപ്പുവരുത്തി ഗർഭസ്ഥശിശുവിന്റെ ആരോഗ്യം പരോക്ഷമായും നിലനിർത്താൻ സഹായിക്കുകയും ചെയ്യും. മരണനിരക്ക‌് കുറവാണെങ്കിലും സാമ്പത്തിക പരാധീനതകൾ ഉണ്ടാക്കുന്ന രോഗമാണ‌് ആസ‌്ത‌്മ. അതുകൊണ്ട‌് ഈ രോഗത്തിന്റെ സാമ്പത്തിക പ്രത്യാഘാതം വലുതാണ‌്. അതുകൊണ്ട‌് കൃത്യമായ രോഗനിർണയം നടത്തുകയും വേണ്ടപ്രകാരം ചികിത്സയും മാർഗനിർദേശവും സ്വീകരിക്കുകയും ചെയ്യുന്നത‌് ആസ‌്ത‌്മ എന്ന രോഗത്തെ സംബന്ധിച്ചിടത്തോളം അനിവാര്യമാണ‌്.

മറ്റു വാർത്തകൾ

പ്രധാന വാർത്തകൾ
 Top