കാത്തിരിപ്പ് അവസാനിക്കുന്നു; 'ദി റൈഡ്' ഡിസംബർ 5ന് തിയേറ്ററിൽ

പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ത്രില്ലർ ചിത്രമായ 'ദി റൈഡ്' തിയേറ്ററിൽ ഉടൻ എത്തുന്നു.ഫസ്റ്റ് ലുക്ക് പോസ്റ്റർ പുറത്തു വന്നതു മുതൽ ചിത്രം തിയേറ്ററിൽ‌ കാണാനായുള്ള ആകാംക്ഷയിലാണ് പ്രേക്ഷകർ. ഡിസംബർ 5ന് ചിത്രം റിലീസ് ചെയ്യമെന്ന് അണിയറ പ്രവർത്തകർ അറിയിച്ചു. സോഷ്യൽ മീഡിയയിൽ പുറത്തുവിട്ട അപ്‌ഡേറ്റിൽ ആണ് റിലീസ് തീയതി പുറത്തുവിട്ടിരിക്കുന്നത്.

റിതേഷ് മേനോൻ സംവിധാനം ചെയ്യുന്ന ചിത്രത്തിൽ സുധി കോപ്പ, ആൻ ശീതൾ, മാലാ പാർവതി, ശ്രീകാന്ത് മുരളി, പ്രശാന്ത് മുരളി, ഗോപിക മഞ്ജുഷ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. ബോളിവുഡ് നിർമ്മാണ കമ്പനിയായ ഡയസ്പോർ എന്റർടെയ്ൻമെന്റ് പ്രൊഡക്ഷൻസിന്റെ ബാനറിൽ ദർപൺ ത്രിസാൽ ചിത്രം നിര്‍‌മ്മിക്കുന്നു . റിതേഷ് മേനോൻ, സുഹാസ് ഷെട്ടി എന്നിവരും നിർമ്മാതാക്കളാണ്. ഇവർ തന്നെയാണ് തിരക്കഥയും സംഭാഷണവും.

വിജേന്ദർ സിംഗ്, ഹരീഷ് ലഖാനി, ജിതേന്ദ്രയാദവ്, വി.കെ ഫിലിംസ് ആന്റ് എന്റർടെയ്ൻമെന്റ് എന്നിവരാണ് സഹ നിർമ്മാതാക്കൾ.ഒരു കാർ യാത്രയിൽ തിരഞ്ഞെടുക്കുന്ന കുറുക്കുവഴി അതിലെ യാത്രക്കാർക്ക് സമ്മാനിക്കുന്ന അപ്രതീക്ഷിതമായ അനുഭവങ്ങളില്‍ സിനിമ പുരോ​ഗമിക്കുന്നു. സംഗീതം- നിതീഷ് രാംഭദ്രൻ. ഈ വർഷത്തെ മികച്ച എഡിറ്റർക്കുള്ള സംസ്ഥാന പുരസ്ക്കാരം നേടിയ സൂരജ് ഇഎസ് ആണ് ഈ ചിത്രത്തിന്റെ എഡിറ്റർ.