ത്രസിപ്പിക്കുന്ന ചുവടുകളും ഈണവുമായി 'റിബൽ സാബ്' ഗാനം

ബ്രഹ്മാണ്ഡ ദൃശ്യ വിരുന്നായി പ്രഭാസിൻറെ ഹൊറർ - ഫാൻറസി ചിത്രം 'രാജാസാബ്' തിയേറ്ററുകളിൽ എത്തുന്നു. പേടിപ്പെടുത്തുന്നതും അതേസമയം അത്ഭുതം നിറയ്ക്കുന്നതുമായ ചിത്രത്തിന്റെ ട്രെയിലർ വാനോളം പ്രതീക്ഷയാണ് നൽകുന്നത്.ചിത്രത്തിലെ ആദ്യ ഗാനമായ റിബൽ സാബ് 23 പുറത്തിറങ്ങും. ജനുവരി 9നാണ് സിനിമയുടെ വേൾഡ് വൈഡ് റിലീസ്.
തമനാണ് റിബൽ സാബ് ഗാനത്തിന് സംഗീതം നൽകിയിരിക്കുന്നത്.പ്രഭാസിൻറെ ഇരട്ടവേഷം തന്നെയാണ് ചിത്രത്തിലെ ഹൈലൈറ്റ്. ടി.ജി. വിശ്വപ്രസാദ് നിർമ്മിച്ച് മാരുതി സംവിധാനം ചെയ്യുന്നതാണ് ഈ ബിഗ് ബജറ്റ് ചിത്രം. പ്രഭാസിന് പുറമെ സഞ്ജയ് ദത്ത്, ബൊമൻ ഇറാനി, സെറീന വഹാബ്, നിധി അഗർവാൾ, മാളവിക മോഹനൻ, റിദ്ധി കുമാർ തുടങ്ങി നിരവധി താരങ്ങളാണ് ചിത്രത്തിൽ ഒരുമിക്കുന്നത്.
തെലുങ്ക്, തമിഴ്, മലയാളം, കന്നഡ, ഹിന്ദി എന്നീ അഞ്ച് ഭാഷകളിലായി പാൻ ഇന്ത്യൻ ചിത്രമായി പ്രദർശനത്തിനെത്തുന്ന രാജാസാബ് പീപ്പിൾ മീഡിയ ഫാക്ടറിയുടെ ബാനറിൽ ടി.ജി. വിശ്വപ്രസാദാണ് ചിത്രം നിർമ്മിക്കുന്നത്.








0 comments