പുതുച്ചേരിയിലെ ജവാഹര്‍ലാല്‍ ഇന്‍സ്റ്റിറ്റ്യൂട്ട് ഓഫ് പോസ്റ്റ്ഗ്രാജ്വേറ്റ് മെഡിക്കല്‍ എഡ്യുക്കേഷന്‍ ആന്‍ഡ് റിസര്‍ച്ചി (ജിപ്മര്‍) ല്‍ എംബിബിഎസ് പ്രവേശനപരീക്ഷയ്ക്ക് www.jipmer.edu.in വെബ്സൈറ്റിലൂടെ മെയ് മൂന്നുവരെ ഓണ്‍ലൈനായി അപേക്ഷിക്കാം. ജിപ്മറില്‍ എംബിബിഎസ് പ്രവേശനം നീറ്റ് പ്രവേശനപരീക്ഷയുടെ അടിസ്ഥാനത്തിലല്ല.
ഫിസിക്സ്, കെമിസ്ട്രി, ബയോളജി/ബയോടെക്നോളജി, ഇംഗ്ളീഷ് വിഷയങ്ങള്‍ പഠിച്ച് പ്ളസ്ടു പാസായവര്‍ക്കും ഇപ്പോള്‍ അവസാനവര്‍ഷ പരീക്ഷ എഴുതുന്നവര്‍ക്കും അപേക്ഷിക്കാം. മുകളില്‍ പറഞ്ഞ വിഷയങ്ങള്‍ പാസാകുകയും ഫിസിക്സ്, കെമിസ്ട്രി, ബയോളജി/ബയോടെക്നോളജി ക്ക് മൊത്തം കുറഞ്ഞത് 50 ശതമാനം മാര്‍ക്ക് നേടുകയും വേണം. പ്രവേശന സമയത്തോ 2017 ഡിസംബര്‍ 31നോ അതിനുമുമ്പോ 17 വയസ് തികയണം.
അപേക്ഷാഫീസ് ഉള്‍പ്പടെയുള്ള കൂടുതല്‍ വിവരം www.jipmer.edu.in വെബ്സൈറ്റിലെ വിജ്ഞാപനത്തില്‍.
