16 September Monday

കേരള സര്‍വകലാശാല ഒന്നാംവര്‍ഷ ബിരുദം മൂന്നാം സപ്ളിമെന്ററി അലോട്ട്മെന്റ് ഇന്ന്

വെബ് ഡെസ്‌ക്‌Updated: Wednesday Jul 19, 2017

തിരുവനന്തപുരം >  കേരള സര്‍വകലാശാല 2017-18 അധ്യയനവര്‍ഷത്തെ ബിരുദപ്രവേശനത്തിനുള്ള മൂന്നാം സപ്ളിമെന്ററി അലോട്ട്മെന്റ് http://admissions.keralauniversity.ac.in  വെബ്സൈറ്റില്‍ 19ന് പ്രസിദ്ധീകരിക്കും. അപേക്ഷകര്‍ക്ക് ആപ്ളിക്കേഷന്‍ നമ്പരും പാസ്വേഡും ഉപയോഗിച്ച് ലോഗിന്‍ ചെയ്ത് തങ്ങളുടെ അലോട്ട്മെന്റ് പരിശോധിക്കാം. കേന്ദ്രീകൃത അലോട്ട്മെന്റ് സംവിധാനത്തിലൂടെ ഇതുവരെയും ഒരു കോളേജിലും പ്രവേശനം ലഭിക്കാത്തതും എന്നാല്‍ ഈ സപ്ളിമെന്ററി അലോട്ട്മെന്റില്‍ പുതുതായി അലോട്ട്മെന്റ് ലഭിക്കുകയും ചെയ്തവര്‍ അഡ്മിഷന്‍ ഫീസ് അടയ്ക്കുന്നതിനുള്ള ചെല്ലാന്‍ പ്രിന്റൌട്ടെടുത്ത് എസ്ബിഐയുടെ ഏതെങ്കിലും ശാഖയില്‍ ഫീസ് അടയ്ക്കണം. അഡ്മിഷന്‍ ഫീസ് ജനറല്‍വിഭാഗത്തിന് 1525 രൂപയും എസ്സി/എസ്ടി വിഭാഗത്തിന് 840 രൂപയുമാണ്. അഡ്മിഷന്‍ ഫീസ് അടച്ചവര്‍ അഡ്മിഷന്‍ ഫീസ് അടച്ചതിന്റെ വിവരം വെബ്സൈറ്റില്‍ നല്‍കിയശേഷം അലോട്ട്മെന്റ് മെമ്മോ പ്രിന്റെടുക്കേണ്ടതും മെമ്മോയില്‍ പറഞ്ഞിരിക്കുന്ന കോളേജില്‍ പ്രവേശനം നേടേണ്ടതുമാണ്. മുന്‍ അലോട്ട്മെന്റുകള്‍വഴി കോളേജുകളില്‍ പ്രവേശനം നേടിയശേഷം തങ്ങളുടെ ഹയര്‍ ഓപ്ഷനുകള്‍ നിലനിര്‍ത്തിയ അപേക്ഷകര്‍ക്ക് മൂന്നാം സപ്ളിമെന്ററി അലോട്ട്മെന്റില്‍ തങ്ങളുടെ ഹയര്‍ ഓപ്ഷനുകളിലേക്ക് അലോട്ട്മെന്റ് ലഭിച്ചാല്‍ നിര്‍ബന്ധമായും ഇപ്പോള്‍ പ്രവേശനം നേടിയിരിക്കുന്ന കോളേജില്‍നിന്ന് ടിസി വാങ്ങി പുതുതായി അലോട്ട്മെന്റ് ലഭിച്ച കോളേജില്‍ പ്രവേശനം നേടേണ്ടതാണ്. അഡ്മിഷന്‍ ഫീസ് വീണ്ടും അടയ്ക്കേണ്ടതില്ല.

സപ്ളിമെന്ററി അലോട്ട്മെന്റില്‍ പുതുതായി അലോട്ട്മെന്റ് ലഭിക്കുന്നവര്‍ക്ക് അഡ്മിഷന്‍ ഫീസ് അടച്ച വിവരം വെബ്സൈറ്റില്‍ ചേര്‍ക്കുമ്പോള്‍ അലോട്ട്മെന്റ് മെമ്മോ ഡൌണ്‍ലോഡ് ചെയ്യാം. കോളേജില്‍ പ്രവേശനം നേടിയശേഷം തങ്ങളുടെ ഹയര്‍ ഓപ്ഷനിലേക്ക് സപ്ളിമെന്ററി അലോട്ട്മെന്റ് പ്രകാരം അലോട്ട്മെന്റ് ലഭിക്കുന്നവര്‍ക്കും ലോഗിന്‍ചെയ്ത് അലോട്ട്മെന്റ് മെമ്മോ ഡൌണ്‍ലോഡ് ചെയ്യാം. അലോട്ട്മെന്റ് ലഭിച്ച കോളേജ്, കോഴ്സ്, കാറ്റഗറി, അഡ്മിഷന്‍ എടുക്കേണ്ട തീയതി എന്നിവ അലോട്ട്മെന്റ് മെമ്മോയില്‍ ഉണ്ടായിരിക്കും. 21വരെയാണ് കോളേജുകളില്‍ അഡ്മിഷന്‍ എടുക്കേണ്ടത്.

മറ്റു വാർത്തകൾ
പ്രധാന വാർത്തകൾ
 Top