22 September Sunday

കുസാറ്റിന് നാക് എ ഗ്രേഡ്

വെബ് ഡെസ്‌ക്‌Updated: Sunday Sep 18, 2016

കളമശേരി > നാഷണല്‍ അസസ്മെന്റ് ആന്‍ഡ് അക്രഡിറ്റേഷന്‍ കൌണ്‍സില്‍– നാകിന്റെ ”ത്രീ സ്റ്റാര്‍ വിത്ത് എ ഗ്രേഡ് ' റേറ്റിങ്് കുസാറ്റിനു ലഭിച്ചു. നാക് സംഘം കഴിഞ്ഞ മാസം കുസാറ്റില്‍ നടത്തിയ നാലു ദിവസത്തെ പരിശോധനയെ തുടര്‍ന്നാണിത്.

2006 ല്‍ ലഭിച്ച ത്രീ സ്റ്റാര്‍ വിത്ത് ബി ഗ്രേഡ് അക്രഡിറ്റേഷന്റെ കാലാവധി തീര്‍ന്നിട്ടും എകദേശം 6 വര്‍ഷത്തോളം ഇത് പുതുക്കിയിരുന്നില്ല. ഇതുമൂലം സര്‍വ്വകലാശാലയ്ക്ക്  പലവിധ നഷ്ടങ്ങളുണ്ടായിരുന്നു. സ്ഥിരാധ്യാപകരുടെ കുറവും  ഹോസ്റ്റല്‍ സംവിധാനങ്ങളുടെ ന്യൂനതയുമാണ് സര്‍വ്വകലാശാലയുടെ പോരായ്മകളായി നാക് സംഘം ചൂണ്ടിക്കാട്ടിയത്. ഇപ്പോള്‍ 50ശതമാനത്തില്‍  താഴെ മാത്രമെ സ്ഥിരാധ്യാപകര്‍  ഉള്ളു. ഈ വിഷയം അടുത്ത നാക് സന്ദര്‍ശനത്തിനുള്ളില്‍ പൂര്‍ണമായും പരിഹരിക്കുമെന്ന് വൈസ് ചാന്‍സലര്‍ ഡോ. ജെ ലത അറിയിച്ചു.

ഇന്ത്യന്‍ കൌണ്‍സില്‍ ഓഫ് അഗ്രികള്‍ച്ചറല്‍ റിസര്‍ച്ച് മുന്‍ ഡയറക്ടര്‍ പ്രൊഫ.സുബ്ബണ്ണ  അയ്യപ്പന്‍ ചെയര്‍മാനായുള്ള പത്തംഗ നാക് സംഘമാണ് കുസാറ്റില്‍ പരിശോധന സന്ദര്‍ശനത്തിനെത്തിയത്.

പ്രധാന വാർത്തകൾ
 Top