24 May Tuesday

കോവിഡ്‌ ബാധിതർക്കുള്ള പരീക്ഷ : ആരോഗ്യ സർവകലാശാല മാർഗനിർദേശം പുറത്തിറക്കി

വെബ് ഡെസ്‌ക്‌Updated: Saturday Nov 21, 2020


തിരുവനന്തപുരം
ആരോഗ്യ സർവകലാശാലയുടെ പരീക്ഷകൾ കോവിഡ്‌ ബാധിതരായ വിദ്യാർഥികൾക്ക്‌ എഴുതാൻ മാർഗനിർദേശങ്ങൾ പുറത്തിറക്കി. പരീക്ഷയ്‌ക്ക്‌ ഒരു ദിവസം മുമ്പ്‌ എല്ലാ വിദ്യാർഥികളും കോവിഡ്‌ പരിശോധന നടത്തണം. മറ്റ്‌ പ്രധാന നിർദേശങ്ങൾ ചുവടെ:

●കോവിഡ്‌ ബാധിതരായ വിദ്യാർഥികൾ  പിപിഇ കിറ്റ്‌, മാസ്‌ക്‌, ഗ്ലൗസ്‌ എന്നിവ ധരിച്ചുവേണം  പരീക്ഷയെഴുതാനെത്താൻ
●പ്രാക്‌ടിക്കൽ പരീക്ഷകൾക്ക്‌ കോവിഡ്‌ ബാധിതരായ വിദ്യാർഥികൾക്ക്‌ രോഗമുക്തരായ ശേഷം പരീക്ഷയ്ക്ക്‌ എത്താൻ പ്രത്യേക ലാബ്‌ സജ്ജീകരിക്കണം. വിദ്യാർഥികളുടെ എണ്ണം അനുസരിച്ച്‌ സർവകലാശാല സ്ഥലവും സമയവും നിശ്ചയിക്കും
●കോവിഡ്‌ ബാധിതർ മറ്റു കുട്ടികളോട്‌ ഇടപഴകുന്നില്ലെന്ന്‌ ഉറപ്പാക്കണം.  പൊതു ശൗചാലയങ്ങൾ ഉപയോഗിക്കരുത്‌
●കോവിഡ്‌ ബാധിതരായ കുട്ടികളെ നിരീക്ഷിക്കാൻ കോളേജ്‌ അധികൃതർക്ക്‌  ആളെ നിയോഗിക്കാം
●എത്ര കോവിഡ്‌ ബാധിതർ പരീക്ഷയെഴുതുന്നു, അവരുടെ വിവരങ്ങൾ, സെന്റർ, ഇൻവിജിലേറ്റർമാർ എന്നീ വിവരങ്ങൾ മുൻകൂറായി സർവകലാശാലയ്ക്ക്‌ നൽകണം
●കോവിഡ്‌ ബാധിതരായ വിദ്യാർഥികൾക്കായി പ്രത്യേക മുറി സജ്ജീകരിക്കണം. ഇതിലെ വാതിലുകളും ജനലുകളും തുറന്നിട്ട്‌ കൃത്യമായ വായുസഞ്ചാരം ഉറപ്പാക്കണം. പരീക്ഷയിലുടനീളം സിസിടിവി ക്യാമറകൾ സജ്ജീകരിക്കണം. ഇൻവിജിലേറ്ററെ ഉൾപ്പെടെ വീഡിയോയിൽ ഉൾപ്പെടുത്തണം  
●ക്യാമറയിലെ ദൃശ്യങ്ങൾ സർവകലാശാലയ്‌ക്ക്‌ നേരിട്ട്‌ ലഭ്യമാക്കണം. ഉത്തരക്കടലാസുകൾക്കൊപ്പം ക്യാമറാ ദൃശ്യങ്ങളും നൽകണം.
●കോവിഡ്‌ ബാധിതരായ വിദ്യാർഥികളുടെ ഉത്തരക്കടലാസ്‌ ഗ്ലൗസ്‌ ഉപയോഗിച്ച്‌ അണുവിമുക്തമാക്കണം. ഇത്‌ കവറിലാക്കി, മറ്റൊരു കവറിലിട്ടു വയ്‌ക്കണം
●ഉത്തരക്കടലാസ് മൂന്നു ദിവസം‌ കോളേജിൽ സൂക്ഷിച്ചശേഷം നാലാംദിവസം വീഡിയോ ഉൾപ്പെടെ സർവകലാശാലയ്‌ക്ക്‌ കൈമാറണം
●  കോവിഡ്‌ ബാധിതരുടെ ഉത്തരക്കടലാസ്‌ പ്രത്യേകമായി മൂല്യനിർണയം നടത്തരുത്‌.  മറ്റ്‌ വിദ്യാർഥികളുടെ  ഉത്തരക്കടലാസുകളുമായി കൂട്ടിച്ചേർത്ത്‌ വേണം മൂല്യനിർണയം


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..



മറ്റു വാർത്തകൾ

----
പ്രധാന വാർത്തകൾ
-----
-----
 Top