25 September Saturday

സിബിഎസ്‌ഇ ഫലം വന്നില്ലെങ്കിലും ഡിഗ്രി കോഴ്‌സിന് അപേക്ഷിക്കാം

സ്വന്തം ലേഖകൻUpdated: Monday Sep 6, 2021

ന്യൂഡൽഹി > സിബിഎസ്‌ഇ 12–-ാം ക്ലാസ്‌ പരീക്ഷയെഴുതുന്ന പ്രൈവറ്റ്‌–- കറസ്പോണ്ടന്റ്‌സ്‌–- കംപാർട്ട്‌മെന്റ്‌ വിദ്യാർഥികൾക്ക്‌ ഫലം വരുന്നതിനുമുമ്പെ ഡി​ഗ്രി കോഴ്‌സുകള്‍ക്ക് താൽക്കാലിക അപേക്ഷ നൽകാമെന്ന്‌ സുപ്രീംകോടതി. ഫലം വന്ന്‌ ഒരാഴ്‌ചയ്‌ക്കുള്ളിൽ കോളേജിനെ അറിയിക്കാമെന്ന ഉറപ്പുനൽകിയാൽ മതിയെന്ന്‌ ജസ്റ്റിസുമാരായ എ എം ഖാൻവിൽക്കർ, ഋഷികേശ്‌ റോയി, സി ടി രവികുമാർ എന്നിവരുൾപ്പെട്ട ബെഞ്ച്‌ വ്യക്തമാക്കി.

ഫലംവരാത്തവര്‍ക്ക് താൽക്കാലിക അപേക്ഷ സമർപ്പിക്കാമെന്ന്‌ യുജിസിയും എഐസിടിഇയും കോടതിയെ അറിയിച്ചിരുന്നു. എല്ലാ ഫലവും സെപ്‌തംബർ 30നകം പുറത്തുവരുമെന്ന് സിബിഎസ്‌ഇ അറിയിച്ചു.

പ്രൈവറ്റ്‌–- കറസ്‌പോണ്ടന്റ്‌സ്‌ പരീക്ഷാഫലം എത്രയുംവേഗം പ്രസിദ്ധപ്പെടുത്താൻ നിർദേശിക്കണമെന്ന ഹർജിയിലാണ്‌ ഇടപെടൽ.  ഒരു ലക്ഷത്തോളം വിദ്യാർഥികൾ പ്രൈവറ്റ്‌ –- കംപാർട്ട്‌മെന്റ്‌ പരീക്ഷ എഴുതുന്നുണ്ടെന്ന്‌ ഹർജിക്കാര്‍ ചൂണ്ടിക്കാട്ടി. എന്നാൽ, പല കോളേജിലും ഡിഗ്രി പ്രവേശനം ആരംഭിച്ചു.


ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.

വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..




----
പ്രധാന വാർത്തകൾ
-----
-----
 Top