ആളിക്കത്തി പ്രതിഷേധം

കണ്ണൂർ
സംയുക്ത ട്രേഡ് യൂണിയൻ ആഹ്വാനംചെയ്ത അഖിലേന്ത്യ പണിമുടക്ക് ജില്ലയിൽ പൂർണം. കേന്ദ്രസർക്കാരിനെതിരായ പ്രതിഷേധത്തിൽ തൊഴിലാളികളും ജീവനക്കാരും വ്യാപാരികളും അണിചേർന്നതോടെ പണിമുടക്ക് ഹർത്താലായി മാറി. അപൂർവം ചില സ്വകാര്യ വാഹനങ്ങൾ ഒഴിച്ചാൽ ഗതാഗതവും സ്തംഭിച്ചു. പയ്യന്നൂരിൽ കടകമ്പോളങ്ങളും സ്ഥാപനങ്ങളുമെല്ലാം അടഞ്ഞുകിടന്നു. പണിമുടക്കിയ തൊഴിലാളികൾ പഴയ ബസ് സ്റ്റാൻഡ് കേന്ദ്രീകരിച്ച് പെരുമ്പയിലേക്ക് പ്രകടനം നടത്തി. പെരുമ്പ ടാക്സി സ്റ്റാൻഡ് പരിസരത്ത് നടന്ന പൊതുയോഗം സിഐടിയു ജില്ലാ പ്രസിഡന്റ് സി കൃഷ്ണൻ ഉദ്ഘാടനം ചെയ്തു. കെ വി ബാബു അധ്യക്ഷനായി. ടി ഐ മധുസൂദനൻ എംഎൽഎ, പി വി കുഞ്ഞപ്പൻ, വി നാരായണൻ, പി സന്തോഷ്, സരിൻ ശശി, വി ബാലൻ, വി കെ ബാബുരാജ്, എം രാമകൃഷ്ണൻ, കെ വി ഭവാനി, എൻ പി ഭാസ്കരൻ, കെ കെ ഗംഗാധരൻ, കെ കെ കൃഷ്ണൻ, യു വി രാമചന്ദ്രൻ, പി വി സുരേന്ദ്രൻ, വി പി രജനീഷ്, പി ജയൻ, കെ വി ബാലൻ, കെ ദേവി എന്നിവർ സംസാരിച്ചു. തൊഴിലാളികൾ ഗാനം ആലപിച്ചു. അന്യസംസ്ഥാനങ്ങളിൽനിന്നും മറ്റുമുള്ള ദീർഘദൂര വാഹനങ്ങളിലെ ജീവനക്കാർക്കും മറ്റും സമരസമിതി ഉച്ചഭക്ഷണം നൽകിയാണ് യാത്രയാക്കിയത്. പിലാത്തറയിൽ ബിഎസ്എൻഎൽ ഓഫീസ് മാർച്ചും പൊതുയോഗവും സംഘടിപ്പിച്ചു. അഖിലേന്ത്യ ജനാധിപത്യ മഹിളാ അസോസിയേഷൻ പ്രസിഡന്റ് പി കെ ശ്രീമതി ഉദ്ഘാടനംചെയ്തു. വി വി പ്രീത അധ്യക്ഷയായി. സിപിഐ എം ജില്ലാ കമ്മിറ്റി അംഗം കെ പത്മനാഭൻ, കർഷക തൊഴിലാളി യൂണിയൻ ജില്ലാ സെക്രട്ടറി എം ശ്രീധരൻ, എം വി രാജീവൻ, എ വി രവീന്ദ്രൻ, എം വി രാമകൃഷ്ണൻ, കെ സി തമ്പാൻ, വി രമേശൻ, സി എം വേണുഗോപാലൻ, എം രവീന്ദ്രൻ, എം അനിൽകുമാർ എന്നിവർ സംസാരിച്ചു. കുഞ്ഞിമംഗലം സൗത്ത് ലോക്കലിൽ സിപിഐ എം ഏരിയാ കമ്മിറ്റി അംഗം കെ വി വാസു ഉദ്ഘാടനംചെയ്തു. പപ്പൻ കുഞ്ഞിമംഗലം അധ്യക്ഷനായി. കാങ്കോലിൽ പി പി സിദിൻ ഉദ്ഘാടനം ചെയ്തു. പി രാധാകൃഷ്ണൻ അധ്യക്ഷനായി. കുണ്ടയം കൊവ്വലിൽ കെ പി കണ്ണൻ ഉദ്ഘാടനം ചെയ്തു. സി രമേശൻ അധ്യക്ഷനായി. ഏറ്റുകുടുക്കയിൽ ടി തമ്പാൻ ഉദ്ഘാടനം ചെയ്തു. ടി വിജയൻ അധ്യക്ഷനായി. പെരിങ്ങോത്ത് കെ വി വിജയൻ ഉദ്ഘാടനം ചെയ്തു. എൻ വി സുജിത്ത്കുമാർ അധ്യക്ഷനായി. മാതമംഗലത്ത് എം പി ദാമോദരൻ ഉദ്ഘാടനം ചെയ്തു. പി ഗംഗാധരൻ അധ്യക്ഷനായി. എരമത്ത് കെ വി ഗോപിനാഥൻ ഉദ്ഘാടനം ചെയ്തു. സി എ ശോഭ അധ്യക്ഷയായി. വെള്ളോറയിൽ കെ സത്യഭാമ ഉദ്ഘാടനം ചെയ്തു. കെ വി ഗോവിന്ദൻ അധ്യക്ഷനായി. കുറ്റൂരിൽ പി സജികുമാർ ഉദ്ഘാടനം ചെയ്തു. കെ സി കുഞ്ഞിരാമൻ അധ്യക്ഷനായി. പെരുവാമ്പയിൽ കെ ബി ബാലകൃഷ്ണൻ ഉദ്ഘാടനം ചെയ്തു. എം ശങ്കരൻ അധ്യക്ഷനായി. ചൂരലിൽ എം പ്രകാശൻ ഉദ്ഘാടനം ചെയ്തു. എം മനോജ് അധ്യക്ഷനായി. പാടിച്ചാലിൽ സി വി വിഷ്ണു പ്രസാദ് ഉദ്ഘാടനം ചെയ്തു. പി എൻ മനോജ് അധ്യക്ഷനായി. കക്കറയിൽ കെ വി ഗോവിന്ദൻ, കെ സുശീല എന്നിവർ സംസാരിച്ചു. തിരുമേനിയിൽ കെ കെ ജോയി ഉദ്ഘാടനം ചെയ്തു. കെ സി പ്രസൂൺ സംസാരിച്ചു. ചെറുപുഴയിൽ കെ എം ഷാജി ഉദ്ഘാടനം ചെയ്തു. എ ടി വി ദാമോദരൻ അധ്യക്ഷനായി. പുളിങ്ങോത്ത് കെ ഡി അഗസ്റ്റ്യൻ ഉദ്ഘാടനം ചെയ്തു. കലാധരൻ അധ്യക്ഷനായി. പണിമുടക്കിന്റെ ഭാഗമായി പാണപ്പുഴ പറവൂരിൽ പ്രകടനവും പൊതുയോഗവും നടത്തി. പി പി പ്രകാശൻ ഉദ്ഘാടനം ചെയ്തു. കെ വി രവീന്ദ്രൻ അധ്യക്ഷനായി.









0 comments