നാടിന്റെ സ്പന്ദനമറിഞ്ഞ്....

സിജി ഗോവിന്ദ്
Published on Nov 29, 2025, 12:15 AM | 1 min read
തിരുവില്വാമല
തിരുവില്വാമലയിലെ സാധാരണക്കാരന്റെ മുഖമാണ് എൽഡിഎഫ് സ്ഥാനാർഥി കെ ആര് സത്യന്. ഓരോ സ്വീകരണ കേന്ദ്രങ്ങളിലെത്തുമ്പോഴും വൻ ജനാവലിയുണ്ടാകും. ചക്കച്ചന്കാട് സ്വീകരണ കേന്ദ്രത്തില് വിജയാശംസകളര്പ്പിക്കാനെത്തിയവരിൽ വിമുക്ത ഭടനും കര്ഷകനുമായ കുറുമങ്ങാട്ടുപടി രാമകൃഷ്ണനുമുണ്ടായിരുന്നു. തുടര്ച്ചയായ മൂന്നാം വിജയം നേടാനൊരുങ്ങുകയാണ് തിരുവില്വാമല ഡിവിഷനില് എല്ഡിഎഫ്. കച്ചവടക്കാരോടും വഴിയാത്രക്കാരോടും സമീപത്തെ വീട്ടുകാരോടും വോട്ടുതേടി ചെറുപുഞ്ചിരിയോടെ കെ ആര് സത്യനെത്തും. പഞ്ചായത്ത്, ബ്ലോക്ക് പഞ്ചായത്ത് സ്ഥാനാര്ഥികള്ക്കുള്ള വോട്ടഭ്യര്ഥനയും കൂടെയുണ്ട്. പെന്ഷന് തരുന്ന സര്ക്കാരിനെ മറക്കാന് പറ്റുമോയെന്ന് സ്ഥാനാര്ഥിയോട് പറയാന് മത്സരിക്കുകയായിരുന്നു പ്രായമായവരിൽ പലരും. മുന് ബ്ലോക്ക് പഞ്ചായത്ത് അംഗമല്ലേ എന്നുചോദിച്ച് കൈ കൊടുക്കുന്നു. പൊതുപര്യടനം വ്യാഴാഴ്ച പാമ്പാടിയില്നിന്നാണ് തുടക്കമിട്ടത്. വെള്ളിയാഴ്ച 27 കേന്ദ്രങ്ങളിലെത്തിയാണ് വോട്ട് തേടിയത്. കെ ആര് സത്യന് വികസനകാര്യ സ്റ്റാന്ഡിങ് കമ്മിറ്റി ചെയര്മാനായുള്ള കാലത്ത് സ്വരാജ് ട്രോഫിയുള്പ്പെടെയുള്ള നേട്ടങ്ങള് കരസ്ഥമാക്കിയിരുന്നു. ഈ ഭരണസമിതി 100 ശതമാനം പദ്ധതി ചെലവഴിച്ച ബ്ലോക്ക് പഞ്ചായത്തായി ഹാട്രിക് നേട്ടം കൈവരിക്കുകയും ചെയ്തു.








0 comments