പോപ്പ് പോൾ മേഴ്സി ഹോം ഫസ്റ്റ് റണ്ണർ- അപ്പ്

വടക്കാഞ്ചേരി

സംസ്ഥാന സ്പെഷ്യൽ സ്കൂൾ കലോത്സവത്തിൽ 51 പോയിന്റ് നേടി പോപ്പ് പോൾ മേഴ്സി ഹോം ഫസ്റ്റ് റണ്ണർ- അപ്പ് ആയി. മലപ്പുറം ജില്ലയിൽ തിരൂർ ഗവ. ഹയർ സെക്കൻഡറി സ്‌കൂളിൽ നടത്തിയ മത്സരങ്ങളിൽ 14 ജില്ലകളിൽ നിന്നായി 500 ലധികം ഭിന്നശേഷിയുള്ള കുട്ടികൾ പങ്കെടുത്തു. ഗ്രൂപ്പ്‌ ഡാൻസ്, സിംഗിൾ ഡാൻസ്, മോഹിനിയാട്ടം, ലളിത ഗാനം, ഗ്രൂപ്പ്‌ സോങ്, ദേശഭക്തിഗാനം, പെൻസിൽ ഡ്രോയിങ്, പെയിന്റിങ്‌, വാദ്യോപകരണ സംഗീതം തുടങ്ങിയ ഇനങ്ങളിലാണ് മത്സരം നടത്തിയത്. ജില്ലാ കലോത്സവത്തിൽ പോപ്പ് പോൾ മേഴ്‌സി ഹോം ഓവറോൾ കിരീടം നേടിയിരുന്നു. പോപ് പോൾ മേഴ്സി ഹോം ഡയറക്ടർ ഫാ. ജോൺസൺ അന്തിക്കാട്ട്, അസി. ഡയറക്ടർ ഫാ. അനീഷ്‌ ചിറ്റിലപ്പിള്ളി എന്നിവർ നേതൃത്വം നൽകി.