കുടുംബ സഹായ നിധി വിതരണം

തൃശൂർ

അകാലത്തിൽ മരിച്ച പൊലീസ് സേനാംഗങ്ങളുടെ കുടുംബങ്ങൾക്ക് സഹായ നിധി വിതരണം ചെയ്തു. കേരള പൊലീസ് ഓഫീസേഴ്സ് അസോസിയേഷൻ, കേരള പൊലീസ് അസോസിയേഷൻ തൃശൂർ സിറ്റി ആൻഡ്‌ റൂറൽ ജില്ലാ കമ്മിറ്റികളുടെ സംയുക്ത ആഭിമുഖ്യത്തിൽ സമാഹരിച്ച കുടുംബ സഹായനിധി ആർഎസ്‌ഐ മോഹന കുമാരൻ, ക്രൈം ബ്രാഞ്ച് യൂണിറ്റിലെ ജിഎസ്‌ഐ സുരേഷ് ബാബു എന്നിവരുടെ കുടുംബങ്ങൾക്കാണ്‌ കൈമാറിയത്‌. തൃശൂർ ക്രൈം ബ്രാഞ്ച് യൂണിറ്റ്  പൊലീസ് മേധാവി ടി കെ സുബ്രഹ്മണ്യൻ കുടുംബ സഹായനിധി സംഖ്യയായ 20 ലക്ഷം രൂപ വീതം കൈമാറി. കെപിഒഎ സിറ്റി ജില്ലാ വൈ പ്രസിഡന്റ്‌ വിനോജ് കുമാർ അധ്യക്ഷനായി. ജില്ലാ സെക്രട്ടറി പി ആർ കമൽദാസ്, കെ സി ബൈജു, ബിനു ഡേവിസ്, കെ പി രാജു, എ സി ഷാഹുൽഹമീദ് കെപിഎ സംസ്ഥാന വൈസ് പ്രസിഡന്റ്‌ പി എൻ ഇന്ദു, സിറ്റി ജില്ലാ പ്രസിഡന്റ്‌ സജീവൻ, ജില്ലാ പ്രസിഡന്റ്‌ പ്രതീഷ്| എന്നിവർ സംസാരിച്ചു.