സഹോദയ അത്‌ലറ്റിക് മീറ്റ്‌ സമാപിച്ചു എരവിമംഗലം ഭാരതീയ വിദ്യാഭവൻ ജേതാക്കൾ

കുന്നംകുളം

കുന്നംകുളം സീനിയർ ഗ്രൗണ്ടിൽ രണ്ട് ദിവസമായി നടന്നുവന്ന സഹോദയ അത്‌ലറ്റിക് മീറ്റിന് സമാപനമായി. എരവിമംഗലം ഭാരതീയ വിദ്യാഭവൻ 163 പോയിന്റോടെ ഒന്നാം സ്ഥാനം കരസ്ഥമാക്കി. പാറമേക്കാവ് വിദ്യാമന്ദിർ രണ്ടാം സ്ഥാനവും ദേവമാത സിഎംഐ പബ്ലിക് സ്കൂൾ മൂന്നാം സ്ഥാനവും നേടി. കായികമേളയുടെ സമാപന ചടങ്ങിൽ ഹോളി ക്രോസ്സ് സീനിയർ സെക്കൻഡറി സ്കൂൾ പ്രിൻസിപ്പൽ ഫാ. ആന്റോ ഒല്ലൂക്കാരൻ മുഖ്യാതിഥിയായി. തൃശൂർ സഹോദയ ജനറൽ സെക്രട്ടറി ഷമീംബാവ അധ്യക്ഷനായി. കേരള സ്റ്റേറ്റ് അത്‌ലറ്റിക് ഫെഡറേഷൻ ജോയിന്റ്‌ സെക്രട്ടറി ഡോ. ഹരിദയാൽ, ഗുഡ് ഷെപ്പേർഡ് സിഎംഐ സ്കൂൾ പ്രിൻസിപ്പൽ ഫാ. ലിജോ പോൾ സിഎംഐ, പൂച്ചട്ടി ബിവിപി വിദ്യാമന്ദിർ വൈസ് പ്രിൻസിപ്പൽ ടി വി സ്മിത എന്നിവർ സംസാരിച്ചു.