സ്നേഹവായ്പുകളേറ്റുവാങ്ങി ചേർപ്പ്

"നമ്മളേ ജയിക്കൂ.. നമ്മളല്ലെങ്കിൽ പിന്നെ എല്ലാം തകരും'

ജില്ലാ പഞ്ചായത്ത് ചേർപ്പ് ഡിവിഷൻ എൽഡിഎഫ് സ്ഥാനാർഥി സി എസ് സംഗീതിന് ചേർപ്പ് ചൊവ്വൂർ സംസ്കാര 
നഗറിൽ ലഭിച്ച സ്വീകരണം
വെബ് ഡെസ്ക്

Published on Nov 29, 2025, 12:15 PM | 1 min read

ചേർപ്പ്

ചൊവ്വൂർ സംസ്കാര പരിസരത്തെ സ്വീകരണ കേന്ദ്രത്തിലെത്തിയ ജില്ലാ പഞ്ചായത്ത് ചേർപ്പ് ഡിവിഷൻ സ്ഥാനാർഥി സി എസ് സംഗീതിനെ മുറുകെ പ്പിടിച്ച് ലോട്ടറി വിൽപ്പനക്കാരനും ക്ഷേമ പെൻഷൻ ഗുണഭോക്താവുമായ കണ്ണനായ്ക്കൽ ഫ്രാൻസിസ് പറഞ്ഞു. സ്വീകരണത്തിനെത്തിയ പാമ്പുംകാട്ടിൽ ശോഭന സ്ഥാനാർഥിയെ തലയിൽ കൈവച്ച്‌ വിജയാശംസ നേർന്നു. "പെൻഷനും മരുന്നുമൊക്കെ മുടങ്ങാതെ കിട്ടാൻ നമ്മള് ജയിക്കണം– ശോഭന പറഞ്ഞു. പാറളത്തെ ചേനത്തെത്തിയപ്പോൾ മുദ്രാവാക്യങ്ങളോടെയാണ് സ്വീകരിച്ചത്. മുള്ളക്കരയിലെ സ്വീകരണ കേന്ദ്രത്തിൽ തൊഴിലുറപ്പ് തൊഴിലാളികൾ കൂട്ടത്തോടെയെത്തി ആവേശമുയർത്തി. സ്ത്രീകളും തൊഴിലാളികളും ഉൾപ്പെടെ നിരവധിയാളുകൾ സ്വീകരണ കേന്ദ്രങ്ങളിൽ തിങ്ങിനിറഞ്ഞതും എൽഡിഎഫ് വിജയം ഉറപ്പാണെന്ന് പ്രതിഫലിപ്പിച്ചു. ചേർപ്പ് പെരിഞ്ചേരിയിൽ നിന്നാണ് പര്യടനം ആരംഭിച്ചത്. സിപിഐ സംസ്ഥാന കൗൺസിൽ അംഗം ടി ആർ രമേഷ്‌കുമാർ ഉദ്ഘാടനം ചെയ്തു. ചേർപ്പ്, പാറളം പഞ്ചായത്തുകളിലായി 28 കേന്ദ്രങ്ങളിൽ സ്വീകരണ പരിപാടി നടന്നു. പാറളം പള്ളിപ്പുറത്ത് സമാപിച്ചു. ശനിയാഴ്ച രാവിലെ വല്ലച്ചിറ കാരമുക്കിൽനിന്ന് പര്യടനം ആരംഭിച്ച് അവിണിശേരി ഏഴുകമ്പനി പരിസരത്ത് സമാപിക്കും. സിപിഐ എം ജില്ലാ സെക്രട്ടറിയറ്റ് അംഗം പി കെ ഷാജൻ സമാപനയോഗം ഉദ്ഘാടനം ചെയ്യും.



deshabhimani section

Related News

View More
0 comments
Sort by

deshabhimani section

Dont Miss it

deshabhimani section

Recommended

Deshabhimani

Subscribe to our newsletter

Quick Links


Home