ആഘോഷത്തിമിർപ്പിൽ

തൃപ്രയാർ

വീട്ടമ്മമാർക്ക് ഉൾപ്പെടെ ക്ഷേമ പെൻഷനുകൾ കൃത്യമായി നൽകുന്ന എൽഡിഎഫ്‌ സർക്കാരിനുള്ള പിന്തുണയാണ്‌ ഇത്തവണത്തെ വോട്ടെന്ന്‌ കൂടിനിന്നവർ ഒന്നടങ്കം പറഞ്ഞു. ജില്ലാ പഞ്ചായത്ത് തൃപ്രയാർ ഡിവിഷൻ സ്ഥാനാർഥി അമൽ ടി പ്രേമന് വിജയാശംസകൾ നേരാൻ വലപ്പാട് പഞ്ചായത്തിലെ ബിജെപി സ്ഥാനാർഥിയുടെ ബന്ധുകൂടിയായ സരോജിനി കൂടി എത്തിയതോടെ പ്രദേശമാകെ ആഘോഷ ത്തിമിർപ്പിലായി. പരിചയപ്പെടുത്തൽ ആവശ്യമില്ലാത്ത അമൽ ടി പ്രേമൻ വിവിധ സ്വീകരണ കേന്ദ്രങ്ങളിൽ എത്തുമ്പോഴും ആവേശപൂർവമാണ്‌ ജനങ്ങൾ ഒഴുകിയെത്തുന്നത്‌. യുവജനങ്ങൾ, അമ്മമാർ തുടങ്ങിയവർ കൂട്ടത്തോടെയെത്തി വിജയാശംസ നേർന്നു. കഴിഞ്ഞതവണത്തെക്കാൾ കൂടുതൽ ഭൂരിപക്ഷത്തിൽ വിജയിക്കും എന്നറിയിച്ചാണ്‌ മടക്കം. രണ്ട് ദിവസത്തെ പൊതുപര്യടനം വെള്ളിയാഴ്ച രാവിലെയാണ് ആരംഭിച്ചത്. നാട്ടിക പഞ്ചായത്തിലെ ഫിഷറീസ് സ്കൂൾ പരിസരത്ത് നിന്നാരംഭിച്ച പര്യടനം വലപ്പാട് പഞ്ചായത്തിലെ എടമുട്ടത്ത് സമാപിച്ചു. ശനിയാഴ്ച രാവിലെ വോൾഗ സെന്ററിൽ ആരംഭിക്കുന്ന പര്യടനം ഏടത്തിരുത്തി പഞ്ചായത്തിലെ ചെന്ത്രാപ്പിന്നി ഈസ്റ്റിൽ സമാപിക്കും.