വർക്ഷോപ്പ് ജോലിക്കിടെ തീ പടർന്ന് പൊള്ളലേറ്റ യുവാവ് മരിച്ചു

മുഹമ്മദ്_ഫാരിസ്_
ദേശമംഗലം
കേടായ ബൈക്ക് സ്റ്റാർട്ട് ചെയ്യുന്നതിനിടെ തീപടർന്ന് ഗുരുതര പരിക്കേറ്റ് ചികിത്സയിലിരുന്ന യുവാവ് മരിച്ചു. മേലേ തലശേരി ജുമാ മസ്ജിദിന് സമീപത്ത് അത്താണിക്കൽ വീട്ടിൽ മുഹമ്മദ് ഫാരിസ് (22) ആണ് മരിച്ചത്. കഴിഞ്ഞ ചൊവ്വാഴ്ച പകൽ മൂന്നോടെയാണ് അപകടം. കേടായ ബൈക്ക് സ്റ്റാർട്ട് ചെയ്യാൻ ശ്രമിക്കുന്നതിനിടെ സമീപത്ത് സൂക്ഷിച്ചിരുന്ന പെട്രോളിലേക്ക് തീപടർന്ന് പൊള്ളലേൽക്കുകയായിരുന്നു. പരിക്കേറ്റ ഫാരിസിനെ ഉടനെ തൃശൂർ ഗവ. മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. 90 ശതമാനത്തോളം പൊള്ളലേറ്റ് അതീവഗുരുതരാവസ്ഥയിലായിരുന്നു. ശനിയാഴ്ച പുലർച്ചയോടെ മരിച്ചു. ബാപ്പ: മുസ്തഫ. ഉമ്മ: ബൽക്കീസ്. സഹോദരി: സർഫീന ബാനു. സംസ്കാരം നടത്തി.








0 comments