നബിദിനം ആഘോഷിച്ചു

കോടാലിയിൽ നടന്ന നബിദിന ഘോഷയാത്ര

കോടാലിയിൽ നടന്ന നബിദിന ഘോഷയാത്ര

വെബ് ഡെസ്ക്

Published on Sep 07, 2025, 12:58 AM | 2 min read


മറ്റത്തൂർ

കേരള മുസ്ലിം ജമാ അത്ത് വെള്ളിക്കുളങ്ങര യൂണിറ്റിന്റെ ആഭിമുഖ്യത്തിൽ നബി ദിനാഘോഷങ്ങളുടെ ഭാഗമായി ഘോഷയാത്ര നടത്തി. ശനി രാവിലെ ഏഴിന്‌ റിഫയി മസ്ജിദ് പ്രസിഡന്റ് ഉബൈദ് പൂവക്കാട്ട് പതാക ഉയർത്തി. മഹല്ല് സെക്രട്ടറി ഷബീർ അലി മൂച്ചിക്കാടൻ സംസാരിച്ചു. മഹല്ല് ഖത്തീബ് അബ്ദുൽസലാം സഹദി, മജീദ് സഖാഫി, ഇർഷാദ് അഹസനി എന്നിവർ ഘോഷ യാത്രക്ക് നേതൃത്വം നൽകി. സാബു വലിയവീട്ടിൽ, കുഞ്ഞാണി ഇബ്രാഹിം ചിറയിൽ എന്നിവരുടെ നേതൃത്വത്തിൽ പൊതു ജനങ്ങൾക്ക് പായസവും മധുര പലഹാരങ്ങളും വിതരണം ചെയ്തു. ​ കോടാലി മഹല്ലിന്റെയും നബിദിനാഘോഷ കമ്മറ്റിയുടെയും സംയുക്താഭിമുഖ്യത്തിൽ കോടാലിയിൽ നബിദിന റാലി നടന്നു. ശനി രാവിലെ 8.30 ന് കോടാലി ജുമാ മസ്ജിദിൽ നിന്ന്‌ ആരംഭിച്ച റാലി കോടാലി ചുറ്റി 10 ഓടെ ജുമാമസ്ജിദിൽ സമാപിച്ചു. ​മഹല്ല് ഖത്തീബ് സെയ്‌തലവി ഫൈസി, മുഹമ്മദ് റഫീഖ് നുജൂമി, കമറുദ്ദീൻ അസ്ഹരി, സലീം മൗലവി, യാസീൻ യമാനി, ലത്തീഫ് കൊല്ലേരി എന്നിവർ നേതൃത്വം നൽകി. മാള മാളയിൽ വിവിധ സ്ഥലങ്ങളിൽ മഹല്ല്, മദ്രസ കമ്മിറ്റികളുടെ ആഭിമുഖ്യത്തിൽ നബിദിനം ആഘോഷിച്ചു. പതാക ഉയർത്തൽ, ഘോഷയാത്ര, മൗലീദ് സദസ്സ്‌, കലാ മത്സരങ്ങൾ ദഫ്,അറബന, കോല്‍ക്കളി എന്നിവ നടന്നു. വൈകിട്ട് മദ്രസകളില്‍ മീലാദ് കലോത്സവങ്ങൾ നടന്നു. മാള മുഹിയിദ്ദീൻ ജുമാ മസ്ജിദ് മഹല്ല് കമ്മിറ്റി നബി ദിനാഘോഷത്തിൽ മഹല്ല് ഇമാം മൗലവി സുബെെർ മന്നാനി നബിദിന സന്ദേശം നൽകി. അബ്ദുൽ റഹ്മാൻ സഅദി, മജീദ് ലത്തീഫി,അബ്ബാസ് സഖാഫി തുടങ്ങിയവർ സംസാരിച്ചു. മാള ടൗൺ ചുറ്റിയുള്ള ഘോഷയാത്രയും പള്ളിയിൽ മൗലീദ് പാരായണവും നടന്നു. മാരേക്കാട് മഹല്ല് അങ്കണത്തില്‍ മഹല്ല് കമ്മിറ്റി പ്രസിഡന്റ്‌ ടി എം മുഹമ്മദ് സ്വാലിഹ് പതാക ഉയർത്തി. ചീഫ് ഇമാം അൽഹാഫിസ് ദാവൂദ് ബാഖവി പ്രഭാഷണം നടത്തി. വൈകിട്ട് നടന്ന മീലാദ് സമ്മേളനം അമീൻ ഫൈസി ഉദ്ഘാടനം ചെയ്തു. വി കെ സിറാജുദ്ദീൻ അധ്യക്ഷനായി. അഷ്ടമിച്ചിറ കാട്ടിക്കരക്കുന്ന് മസ്ജിദ് നൂറില്‍ ഇമാം അസ്ഗറലി ബദ്രി മൗലീദ് സദസ്സിന് നേതൃത്വം നല്‍കി. പ്രസിഡന്റ്‌ ഹമീദ് പതാക ഉയര്‍ത്തി. അഷ്ടമിച്ചിറ ഈസ്റ്റ് നൂറുല്‍ഹുദ ജുമുഅ മസ്ജിദില്‍ ഇമാം നജീബ് ഹിശാമി മൗലീദ് സദസ്സിന് നേതൃത്വം വഹിച്ചു .വൈസ് പ്രസിഡന്റ് വി എം ബഷീര്‍ പതാക ഉയര്‍ത്തി. എടയാറ്റൂര്‍ മഹല്ലില്‍ ഷാഹുല്‍ഹമീദ് മുസ്ല്യാര്‍ മൗലീദ് സദസ്സിന് നേതൃത്വം നൽകി.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home