ഹൃദയങ്ങളിലേക്ക്‌...

വരടിയം വടക്കേതിരുത്തിൽ അഡ്വ പി കെ പ്രസാദിന് നൽകിയ സ്വീകരണം

വരടിയം വടക്കേതിരുത്തിൽ അഡ്വ പി കെ പ്രസാദിന് നൽകിയ സ്വീകരണം

avatar
സ്വന്തം ലേഖകൻ

Published on Nov 28, 2025, 12:15 AM | 1 min read

വരടിയം

‘പെൻഷനടക്കം എല്ലാം തന്ന സർക്കാരാ... എല്ലാ കാര്യങ്ങൾക്കും ഒപ്പമുള്ളവരാണ്‌.’ – ജില്ലാ പഞ്ചായത്തിലേക്ക്‌ അവണൂർ ഡിവിഷനിൽനിന്ന്‌ മത്സരിക്കുന്ന എൽഡിഎഫ്‌ സ്ഥാനാർഥി അഡ്വ. പി കെ പ്രസാദിന്‌ വിജയാശംസകൾ നേർന്ന്‌ ലീല കുട്ടപ്പൻ പറഞ്ഞു. വരടിയം വടക്കേ തുരുത്തിലെ സ്വീകരണ കേന്ദ്രത്തിൽ ലഭിച്ച ലീലയുടെ സ്‌നേഹാശംസകൾപോലെ ഓരോ കേന്ദ്രങ്ങളിലും എൽഡിഎഫ്‌ സർക്കാരിന്റെ കരുതലിനോടുള്ള സ്‌നേഹവായ്‌പുമായി എത്തുന്നത്‌ നിരവധിപേരാണ്‌. വീട്ടിൽ വീണതിനെത്തുടർന്ന്‌ കൈയിൽ പരിക്കേറ്റ ദേവസിക്ക്‌ പ്രായത്തിന്റെ അവശതകളുണ്ട്‌. നടക്കാനുള്ള ബുദ്ധിമുട്ട്‌ അവഗണിച്ചാണ്‌ തെക്കുമുറിയിൽ പ്രസാദിനെ സ്വീകരിക്കാനെത്തിയത്‌. കൈ ഉയർത്തുമ്പോൾ വേദനയുണ്ടെങ്കിലും മാലയിട്ട്‌ വിജയാശംസ നേർന്നു. ഇങ്ങനെ തൊഴിലാളികൾ, വിദ്യാർഥികൾ, യുവത തുടങ്ങി സമൂഹത്തിന്റെ പരിച്ഛേതമായി സ്വീകരണകേന്ദ്രങ്ങൾ മാറി. ഇട ദിവസമായിട്ടുപോലും സ്വീകരണ കേന്ദ്രങ്ങളിലെല്ലാം ലഭിക്കുന്ന പിന്തുണ ഇടതുപക്ഷ വിജയം ഉറപ്പിക്കുന്നതാണ്‌. സ്വീകരണങ്ങൾ ഏറ്റുവാങ്ങിയശേഷം തെരഞ്ഞെടുപ്പിന്റെ പ്രസക്തിയും ഇടതുപക്ഷം വിജയിക്കേണ്ടതിന്റെ ആവശ്യകതയും ഓർമപ്പെടുത്തി പ്രസാദിന്റെ ചെറു പ്രസംഗം. പട്ടയം, റോഡ്‌, പാലങ്ങൾ, പെൻഷൻ തുടങ്ങി എൽഡിഎഫ്‌ സർക്കാർ നടപ്പാക്കിയ വികസന– ക്ഷേമ പ്രവർത്തനങ്ങളെക്കുറിച്ച്‌ പറയുമ്പോൾ നിറഞ്ഞ കൈയടി. പ്രവർത്തനങ്ങൾ അനുഭവിച്ചറിഞ്ഞ ജനതയുടെ ഹൃദയത്തിൽ നിന്നുള്ള പ്രതികരണം. ചൊവ്വാഴ്‌ച ചൈനാ ബസാറിൽ നിന്നാണ്‌ സ്ഥാനാർഥി പര്യടനം ആരംഭിച്ചത്‌. അവണൂർ, കൈപ്പറമ്പ്‌, തോളൂർ പഞ്ചായത്തുകളിൽ വോട്ടർമാരെ കണ്ടശേഷം തോളൂരിൽ സമാപിച്ചു. വെള്ളിയാഴ്‌ച തിരൂരിൽനിന്നാരംഭിക്കുന്ന പര്യടനം അടാട്ട്‌ അവസാനിക്കും.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home