റോഡിലെ വെള്ളക്കെട്ട് ഒഴിവാക്കണം:
മഹിളാ അസോസിയേഷൻ

ഏങ്ങണ്ടിയൂർ

ദേശീയപാത നിർമാണ പ്രവർത്തനങ്ങളുടെ ഭാഗമായി ഇരുവശങ്ങളിലും രൂപപ്പെട്ട വെള്ളക്കെട്ട് ഒഴിവാക്കുന്നതിന് അടിയന്തിരനടപടികൾ എടുക്കണമെന്ന് അഖിലേന്ത്യാ ജനാധിപത്യ മഹിളാ അസോസിയേഷൻ നാട്ടിക ഏരിയ സമ്മേളനം ആവശ്യപ്പെട്ടു. സംസ്ഥാന വൈസ് പ്രസിഡന്റ് കെ ആർ വിജയ ഉദ്ഘാടനം ചെയ്തു. ഏരിയ പ്രസിഡന്റ് ബൈന പ്രദീപ് അധ്യക്ഷയായി. മുതിർന്ന നേതാവ് വസന്തമനേശ്വരൻ പതാക ഉയർത്തി. ഏരിയ സെക്രട്ടറി രാജിഷ ശിവജി റിപ്പോർട്ടും ജില്ലാ സെക്രട്ടറി ഉഷ പ്രഭുകുമാർ സംഘടനാ റിപ്പോർട്ടും അവതരിപ്പിച്ചു. സംഘാടക സമിതി ചെയർമാൻ എം എ ഹാരീസ് ബാബു, സംസ്ഥാന ജോ. സെക്രട്ടറി മേരി തോമസ്, ജില്ലാ ട്രഷറർ കെ ആർ സീത, ജില്ലാ വൈസ് പ്രസിഡന്റ് മഞ്ജുള അരുണൻ, ബിന്ദു സുരേഷ്, എസ് സി ഹാരീഷ്, കെ ആർ സാംബശിവൻ എന്നിവർ സംസാരിച്ചു. കെ ബി സുധ, നൂറുൽ ഹുദ, ബൈന പ്രദീപ് എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. രതി സുനിൽ രക്തസാക്ഷി പ്രമേയവും ചിഞ്ചു സുധീർ, രജനി ബാബു എന്നിവർ അനുശോചന പ്രമേയങ്ങൾ അവതരിപ്പിച്ചു. വിവിധ മേഖലകളിൽ മികവ് തെളിയിച്ച ഗോപിക നന്ദന, ഇ പി എസ് ജെന്നി, ഡോ. സ്നേഹ ചക്രപാണി എന്നിവരെയും ആദ്യകാല പ്രവർത്തകരെയും ചടങ്ങിൽ ആദരിച്ചു. ഭാരവാഹികൾ: ബൈന പ്രദീപ് (പ്രസിഡന്റ്), രാജിഷ ശിവജി (സെക്രട്ടറി), നൂറുൽ ഹുദ (ട്രഷറർ).