സ്വന്തം കുർണി

സി എസ് സുനിൽ
Published on Nov 29, 2025, 12:15 AM | 1 min read
തൃപ്രയാർ
ലൈഫ് പദ്ധതി പ്രകാരം വീട് ലഭിച്ച തനിക്ക് പറയാനുള്ളത് എൽഡിഎഫിന് മാത്രം വോട്ട് എന്നാണ്... ക്ഷേമ പെൻഷനുകൾ മുടക്കമില്ലാതെ നൽകുന്ന സർക്കാർ നിലനിൽക്കണം. ജില്ലാ പഞ്ചായത്ത് തളിക്കുളം ഡിവിഷൻ സ്ഥാനാർഥി പി ഐ സജിതയ്ക്ക് വിജയാശംസകൾ നേർന്ന് നായർശേരി വേലായുധൻ പറഞ്ഞു. പൊതു പ്രവർത്തന രംഗത്തും ഭരണരംഗത്തും പി ഐ സജിതയ്ക്ക് മുഖവുരകളുടെ ആവശ്യമില്ല. കുർണി എന്ന പേരിൽ നാട്ടിൽ അറിയപ്പെടുന്ന സജിത ഓരോ കേന്ദ്രങ്ങളിലെത്തുമ്പോഴും വൻ ജനത്തിരക്കാണുള്ളത്. സമൂഹത്തിലെ എല്ലാ വിഭാഗം ജനങ്ങളും വിജയാശംസകൾ നേരുന്നു. രണ്ട് ദിവസത്തെ പൊതുപര്യടനം വെള്ളിയാഴ്ച രാവിലെയാണ് ആരംഭിച്ചത്. നാട്ടിക പഞ്ചായത്തിലെ ഫിഷറീസ് സ്കൂൾ പരിസരത്ത് ആരംഭിച്ച് തളിക്കുളം, വാടാനപ്പള്ളി പഞ്ചായത്തുകളിലെ സ്വീകരണത്തിനുശേഷം തൃത്തല്ലൂരിൽ സമാപിച്ചു. ശനിയാഴ്ച രാവിലെ 8.30ന് പുല്ലൻ സെന്ററിൽ ആരംഭിച്ച് ഏങ്ങണ്ടിയൂർ പഞ്ചായത്തിലെ കളരിക്കുന്നിൽ സമാപിക്കും.








0 comments