തിരുനാളിന് കൊടിയേറി

വെള്ളിക്കുളങ്ങര

കൊടുങ്ങ സെന്റ്​ സെബാസ്റ്റ്യൻസ് ഇടവക പള്ളിയിൽ പരിശുദ്ധ കന്യകാമറിയത്തിന്റെ സ്വർഗാരോഹണ തിരുനാളിന് കൊടിയേറി. ഇരിങ്ങാലക്കുട രൂപത വികാരി ജൻറാൾ മോൺ.വിത്സൻ ഈരത്തറ കൊടിയേറ്റിനും ആഘോഷമായ ദിവ്യബലിക്കും നേതൃത്വം നൽകി. റോസേരിയൻ ആശ്രമം സുപ്പീരിയർ ഫാദർ തോമസ് തടത്തിമാക്കൽ സഹകാർമികനായിരുന്നു. 15 നാണ് തിരുനാൾ. ​തിരുനാൾ ദിനം വരെ തിരുക്കർമങ്ങൾ വൈകിട്ട് 6.30 നായിരിക്കും. എല്ലാ ദിവസവും ആറ്​ മണിക്ക് പരിശുദ്ധ കുർബാന എഴുന്നള്ളിച്ചുള്ള ജപമാലയും ഉണ്ടായിരിക്കും. 15 ന് രാവിലെ 10 ന് ആഘോഷമായ തിരുനാൾ ദിവ്യബലിക്ക്​ ഫാ. ആന്റോ പാണാടൻ മുഖ്യകാർമികനാകും. തുടർന്ന് ഊട്ടുനേർച്ചയും ഉണ്ടായിരിക്കും രാവിലെ എട്ടു മുതൽ വള എഴുന്നള്ളിപ്പിനും സാരിസമർപ്പണത്തിനും ഉള്ള സൗകര്യം ഉണ്ടായിരിക്കുമെന്ന്​ ഇടവക വികാരി ഫാദർ ഷിബു നെല്ലിശ്ശേരി അറിയിച്ചു.