ഒല്ലൂർ പള്ളി തിരുനാൾ 
22 മുതൽ 25 വരെ

തൃശൂർ

സെന്റ് ആന്റണീസ് ഫൊറോന പള്ളിയിലെ റപ്പായേൽ മാലാഖയുടെ 189–- മത് തിരുനാൾ 22, 23, 24, 25 തീയതികളിലായി ആഘോഷിക്കുമെന്ന് ഭാരവാഹികൾ വാർത്താ സമ്മേളനത്തിൽ പറഞ്ഞു. 22ന്‌ വൈകിട്ട് 6.30ന്‌ ദീപാലങ്കാരങ്ങളുടെ സ്വിച്ച് ഓൺ കലക്ടർ അർജുൻ പാണ്ഡ്യൻ നിർവഹിക്കും. ചമയ പ്രദർശനം മേയർ എം കെ വർഗീസ്‌ നിർവഹിക്കും. 23ന്‌ വൈകിട്ട് നാലിന്‌ നടക്കുന്ന പൊന്തിഫിക്കൽ ദിവ്യബലിക്ക് സീറോ മലബാർ സഭ മേജർ ആർച്ച്‌ ബിഷപ്പ്‌ മാർ റാഫേൽ തട്ടിൽ മുഖ്യ കാർമികനാവും. തുടർന്ന് കൂട് തുറക്കൽ ശുശ്രൂഷ, തിരുസ്വരൂപം എഴുന്നള്ളിപ്പ്‌, നേർച്ച ഭക്ഷണ ആശിർവാദവും വിതരണവും എന്നിവ നടക്കും. അഞ്ച്‌ അങ്ങാടികളിൽ നിന്ന്‌ വള എഴുന്നള്ളിപ്പുകൾ ഉണ്ടാവും. 24ന്‌ രാവിലെ പത്തിന്‌ ദിവ്യബലിക്ക് അതിരൂപത വികാരി ജനറാൾ ജോസ്‌ കോനിക്കര മുഖ്യ കാർമികനാകും. വൈകിട്ട് നാലിന് തിരുനാൾ പ്രദക്ഷിണം നടക്കും. 25ന്‌ മരിച്ചവർക്കുള്ള കുർബാന നടക്കും. 26 മുതൽ 31 വരെ രാത്രി ഏഴ്‌ മുതൽ കലാപരിപാടികൾ അരങ്ങേറും. ദാസി– ദാസൻ സമർപ്പണത്തിൽ നിന്നുള്ള വരുമാനത്തിന്റെ 25ശതമാനം ജീവകാരുണ്യ പ്രവർത്തനത്തിന്‌ നൽകും. 26ന്‌ വൈകിട്ട്‌ ഏഴിന്‌ നടക്കുന്ന ചടങ്ങിൽ മന്ത്രി കെ രാജൻ ഫണ്ട്‌ വിതരണം ഉദ്‌ഘാടനം ചെയ്യും. വാർത്താ സമ്മളനത്തിൽ വികാരി ഫാ. വർഗീസ്‌ കുത്തൂർ, ആന്റണി ജോർജ്‌ അക്കര, ജോഫി ജോസ്‌ ചിറമൽ, ജെയ്‌സൺ പോൾ പ്ലാക്കൽ, ജസ്റ്റിൻ റാഫേൽ പെരുട്ടി എന്നിവർ പങ്കെടുത്തു.