തീവ്രമഴ: എഴുകുംവയലിൽ 
കൃഷിയിടം ഒലിച്ചുപോയി

നെടുങ്കണ്ടം

കനത്തമഴയിലും മലവെള്ളപ്പാച്ചിലിലും എഴുകുംവയൽ കുട്ടന്‍കവല– മലര്‍വാടി റോഡിനോട് ചേര്‍ന്നുള്ള ഒരേക്കർ സ്ഥലം ഒലിച്ചുപോയി. കുറ്റിയാനിയില്‍ മത്തായി ജോസഫ്, ചെമ്മരപ്പള്ളില്‍ ത്യേസ്യാമ്മ ഡൊമിനിക് എന്നിവരുടെ ഉടമസ്ഥതയിലുള്ള കൃഷിയിടമാണ്‌ ഒലിച്ച് പോയത്. വ്യാഴാഴ്ച രാത്രിയാണ് സംഭവം. ഇവിടെ കൃഷി ചെയ്തിരുന്ന ഏലം, കുരുമുളക്, കാപ്പി ഉൾപ്പെടെയുള്ള വിളകള്‍ ഒലിച്ചുപോയി. വന്‍ തോതില്‍ മണ്ണിടിഞ്ഞ് പോയതോടെ എഴുകുംവയല്‍- മലര്‍വാടി റോഡും അപകടാവസ്ഥയിലാണ്. സംരക്ഷണ ഭിത്തി ഇല്ലാത്തതിനാല്‍ റോഡ് ഏത് നിമിഷവും താഴേയ്ക്ക് പതിക്കും. സംരക്ഷണഭിത്തി 
തകർന്നു വെള്ളത്തൂവൽ വെള്ളത്തൂവൽ പൊലീസ് സ്റ്റേഷൻ കെട്ടിടത്തിന്റെ സംരക്ഷണഭിത്തി തകർന്ന്‌ റോഡിൽ പതിച്ചു. കല്ലും മണ്ണും വീണ്‌ മൂന്നാർ–- വെള്ളത്തൂവൽ റോഡിലെ ഗതാഗതവും മുടങ്ങി. കഴിഞ്ഞ കാലവർഷത്തിൽ കെട്ടിടത്തിന്റെ പിൻഭാഗത്തെ 30 അടി ഉയരത്തിലുള്ള മൺതിട്ട തകർന്നുവീണ് കെട്ടിടം അപകടാവസ്ഥയിലായിരുന്നു. ഇക്കാര്യം അധികൃതരുടെ ശ്രദ്ധയിൽപ്പെടുത്തിയിട്ടും നടപടി സ്വീകരിച്ചിട്ടില്ല.