കായിക മാമാങ്കത്തിന് 
ആവേശത്തുടക്കം

​നെടുങ്കണ്ടം

കായിക ലോകത്തിന് ആവേശത്തിരയിളക്കി ഇടുക്കി സഹോദയ സ്പോർട്സ് മീറ്റിന് നെടുങ്കണ്ടം സിന്തറ്റിക് സ്റ്റേഡിയത്തിൽ തുടക്കമായി. വിജയമാതാ പബ്ലിക്ക് സ്കൂൾ ആതിഥേയത്വം വഹിക്കുന്ന കായിക മാമാങ്കം ഗിന്നസ് ജേതാവായ അബീഷ് പി ഡൊമനിക്ക് ദീപശിഖ തെളിയിച്ച് ഉദ്ഘാടനം ചെയ്തു. അണ്ടർ 19 ആൺകുട്ടികളുടെ 3000 മീറ്റർ ഓട്ടത്തോടെയാണ് മത്സരങ്ങൾക്ക് ആരംഭം കുറിച്ചത്.

ചടങ്ങിൽ സഹോദയ പ്രസിഡന്റ് ഡോ. ഫാ. സിജിൻ ഊന്നുകല്ലേൽ അധ്യക്ഷനായി. ഡോ. സിസ്റ്റർ ബീന, എസ് എച്ച് ഷെറിൻ, പി ആർ അഭിനവ്, ഷിഹാബ് ഇട്ടിക്കൽ, വിവിധ സ്കൂളുകളിലെ പ്രിൻസിപ്പൽമാർ എന്നിവർ സംസാരിച്ചു. ഇടുക്കി സഹോദയയിലെ 25 സ്കൂളുകളിൽനിന്നുള്ള കായിക പ്രതിഭകൾ ഈ മീറ്റിൽ മാറ്റുരയ്ക്കും.