ജില്ലയിൽ 4257 സ്ഥാനാർഥികൾ

ഇടുക്കി ​

തദ്ദേശ തെരഞ്ഞെടുപ്പിൽ മത്സരിക്കുന്നതിനുള്ള നാമനിർദേശപത്രിക സമർപ്പണം അവസാനിച്ചു. ജില്ലയിൽ മുനിസിപ്പാലിറ്റി, ജില്ല, ബ്ലോക്ക്, ഗ്രാമ പഞ്ചായത്തുകളിലായി 4257 പേർ സ്ഥാനാർഥികളായി മത്സരരംഗത്തുണ്ട്. ഇതിൽ 2114 പേർ പുരുഷൻമാരും 2143 വനിതകളുമാണ്. ഇതുവരെ ജില്ലയിൽ 6110 നാമനിർദേശ പത്രികകൾ ലഭിച്ചു.

ഇതിൽ 3033 എണ്ണം പുരുഷൻമാരും 3077 എണ്ണം വനിതകളുടേതുമാണ്. ജില്ലാ പഞ്ചായത്തിലേക്ക് 132 നാമനിർദേശ പത്രികകൾ സമർപ്പിച്ചു. നാമനിർദേശപത്രികകളുടെ സൂക്ഷ്‌മപരിശോധന ശനി പകല്‍ 11ന് തുടങ്ങും.