45 പേര്‍ക്ക് ജോലി, 235 പേര്‍ ചുരുക്കപ്പട്ടികയില്‍ ​

ഇടുക്കി,

കുടുംബശ്രീ ജില്ലാ മിഷന്‍ എന്നിവ ചേര്‍ന്ന് വിജ്ഞാന കേരളം പദ്ധതിയുടെ ഭാഗമായി സംഘടിപ്പിച്ച മേള നിരവധി കുടുംബങ്ങള്‍ക്ക് പുതുജീവനേകി. 45 പേര്‍ക്ക് മേളയിലൂടെ ജോലി ഉറപ്പായി. വികസന സദസ്സുകളുടെ സംസ്ഥാനതല സമാപന സമ്മേളന വേദിയില്‍ മൂന്നുപേര്‍ക്ക് ഓഫര്‍ ലെറ്ററും നല്‍കി. 235 പേര്‍ ചുരുക്ക പട്ടികയിലുണ്ട്. ചെറുതോണിയിലെ ജില്ലാ പഞ്ചായത്ത് ബസ് സ്റ്റേഷന്‍ കോംപ്ലക്സില്‍ നടന്ന മേള കലക്ടര്‍ ഡോ. ദിനേശന്‍ ചെറുവാട്ട് ഉദ്ഘാടനംചെയ്‍തു. തൊഴില്‍ദാതാക്കള്‍ ഉദ്യോഗാര്‍ഥികളെ അന്വേഷിച്ചെത്തുന്ന കാലഘട്ടമാണിതെന്ന് കലക്ടര്‍ പറഞ്ഞു. ജില്ലാ പഞ്ചായത്ത് പ്രസിഡന്റ് രാരിച്ചന്‍ നീറണാകുന്നേല്‍ അധ്യക്ഷനായി. കില ജില്ലാ കോ ഓര്‍ഡിനേറ്റര്‍ പി വി മധു പദ്ധതി വിശദീകരിച്ചു. വിവിധ മേഖലകളില്‍നിന്നുള്ള 32 കമ്പനികളുടെ പ്രതിനിധികള്‍ പങ്കെടുത്തു. 10ാം ക്ലാസ് മുതല്‍ ബിരുദാനന്തര ബിരുദം വരെ യോഗ്യതയുള്ള ഉദ്യോഗാര്‍ഥികളാണ് അവസരം തേടിയത്. ജില്ലാ പഞ്ചായത്ത് വൈസ് പ്രസിഡന്റ് ഉഷാകുമാരി മോഹന്‍കുമാര്‍, ആരോഗ്യ വിദ്യാഭ്യാസ സ്ഥിരംസമിതി അധ്യക്ഷൻ കെ ജി സത്യന്‍, എല്‍എസ്ജിഡി ജോയിന്റ് ഡയറക്ടര്‍ ട്രീസ ജോസ്, ത്രിതല പഞ്ചായത്തംഗങ്ങളായ ഡിറ്റാജ് ജോസഫ്, സിജി ചാക്കോ, രാജു ജോസഫ് തുടങ്ങിയവര്‍ സംസാരിച്ചു.