ലഹരിവിരുദ്ധ സന്ദേശയാത്ര ഇന്ന്

നെടുങ്കണ്ടം
വിമുക്തി ലഹരിവിരുദ്ധ ക്യാമ്പയിന്റെ ഭാഗമായി നെടുങ്കണ്ടം ഗവ. പോളിടെക്നിക് കോളേജും റോട്ടറി ഈസ്റ്റ് ഹില്സ് ക്ലബും ചേര്ന്ന് ലഹരിവിരുദ്ധ സന്ദേശയാത്ര നടത്തും. ചൊവ്വ പകല് 10.30ന് നെടുങ്കണ്ടം കിഴക്കേക്കവലയില്നിന്നും ആരംഭിക്കുന്ന റാലി പഞ്ചായത്ത് പ്രസിഡന്റ് പ്രിമി ലാലിച്ചന് ഉദ്ഘാടനംചെയ്യുമെന്ന് ഭാരവാഹികള് വാര്ത്താസമ്മേളനത്തില് പറഞ്ഞു. സിഐ ജെര്ലിന് വി സ്കറിയ ഫ്ലാഗ്ഓഫ് ചെയ്യും. പടിഞ്ഞാറേക്കവല ബസ് സ്റ്റാൻഡിന് സമീപം അവസാനിക്കും. വിദ്യാര്ഥികള് ഫ്ലാഷ്മോബ് അവതരിപ്പിക്കും. എക്സൈസ് സര്ക്കിള് ഇന്സ്പെക്ടര് പ്രമോദ് സന്ദേശം നല്കും. കോളേജില് ലഹരിവിരുദ്ധ പ്രവര്ത്തനങ്ങളുടെ ഭാഗമായി വിവിധ ക്ലബുകളും സെല്ലുകളും പ്രവര്ത്തിക്കുന്നുണ്ട്.








0 comments