ദേശീയപാത നിര്‍മാണത്തില്‍ അശാസ്ത്രീയതയുണ്ടോ എന്ന് പരിശോധിക്കണം: സി വി വര്‍ഗീസ്

അടിമാലി

ദേശീയപാത 85 ന്റെ നിര്‍മാണ പ്രവര്‍ത്തനങ്ങളില്‍ അശാസ്ത്രീയതയുണ്ടോ എന്ന് വിശദമായ പരിശോധന നടത്തണമെന്ന് സിപിഐ എം ജില്ലാ സെക്രട്ടറി സി വി വര്‍ഗീസ്. അടിമാലിയില്‍ മണ്ണിടിച്ചിലുണ്ടായ ദുരന്ത മേഖലയില്‍ സന്ദര്‍ശനം നടത്തിയശേഷമാണ്‌ പറഞ്ഞത്‌. ഒരാള്‍ മരിക്കാനിടയായ സാഹചര്യം ദൗര്‍ഭാഗ്യകരമാണ്. അടിയന്തരമായി സര്‍ക്കാര്‍ എടുത്ത തീരുമാനങ്ങള്‍ സ്വാഗതാര്‍ഹമാണ്. പുനരധിവാസ പ്രവര്‍ത്തനങ്ങള്‍ക്ക് ദേശീയപാതവിഭാഗം നേതൃത്വം നല്‍കണം. ദുരന്തബാധിതരെ പുനരധിവസിപ്പിക്കാന്‍ എന്‍എച്ച്എഐ അടിയന്തരസഹായം നല്‍കണം. എല്ലാവകുപ്പുകളെയും സംയോജിപ്പിച്ച് ശാസ്ത്രീയമായ പഠനം നടത്തണം. ഇതിന്റെ അടിസ്ഥാനത്തില്‍ നിര്‍മാണപ്രവര്‍ത്തികള്‍ നടത്തണം. ഇത്തരം ദുരന്തങ്ങള്‍ ഉണ്ടാവില്ലെന്ന് ഉറപ്പാക്കേണ്ടത് ദേശീയപാത അധികൃതരുടെ ഉത്തരവാദിത്വമാണ്.

സര്‍ക്കാര്‍ എല്ലാ സഹായവും ദുരന്തബാധിതര്‍ക്ക് നല്‍കും. പുനരധിവാസം ഉറപ്പാക്കും. മരണമടഞ്ഞ ബിജുവിന്റെ കുടുംബാംഗങ്ങളെ ആശ്വസിപ്പിച്ചു. എല്ലാം നഷ്ടപ്പെട്ട കുടുംബങ്ങളെ നേരില്‍ കണ്ട് ആശ്വസിപ്പിച്ചു. ജില്ലാ സെക്രട്ടറിയോടൊപ്പം അഡ്വ. എ രാജ എംഎല്‍എ, സിപിഐ എം ഏരിയ സെക്രട്ടറി ചാണ്ടി പി അലക്സാണ്ടര്‍, പഞ്ചായത്തംഗങ്ങളായ സി ഡി ഷാജി, കെ കെ രാജു, ലോക്കല്‍ സെക്രട്ടറിമാരായ ടി കെ സുധേഷ് കുമാര്‍, സി ഡി അഗസ്റ്റിന്‍ എന്നിവരും ഒപ്പമുണ്ടായിരുന്നു. മന്ത്രി റോഷി അഗസ്റ്റിന്‍, കലക്ടര്‍, ജില്ലാ പൊലീസ് മേധാവി, ദേശീയപാത അധികൃതര്‍ എന്നിവരുമായി സ്ഥിതിഗതികള്‍ ജില്ലാ സെക്രട്ടറി കവിലയിരു