കൂറ്റൻപാറ അടർന്നുവീണു

നെടുങ്കണ്ടം

നെടുങ്കണ്ടം കിഴക്കേകവലയിൽ സംസ്ഥാനപാതയോരത്ത് കൂറ്റൻപാറ അടർന്നുവീണു. കുമളി–മൂന്നാർ സംസ്ഥാനപാതയിൽ നെടുങ്കണ്ടം ബിഎഡ് കോളജിന് സമീപമാണ് പാറ അടർന്നുവീണത്. തിങ്കൾ പകൽ പന്ത്രണ്ടോടെയായിരുന്നു അപകടം. ദിവസങ്ങളായി തുടരുന്ന ശക്തമായ മഴയിൽ ചുവട്ടിലെ മണ്ണ് ഒലിച്ചുപോയതിനെ തുടർന്നാണ് കല്ല്‌ താഴേക്ക്‌ ഉരുണ്ടത്‌. തിരക്കേറിയ പാതയിലേക്ക് പതിക്കാത്തതിനാൽ വൻ ദുരന്തം ഒഴിവായി. അപകട ഭീഷണിയായ നിരവധി പാറകൾ മേഖലയിലുണ്ട്.