എല്‍ഡിഎഫ് വികസനത്തേരോട്ടം

ഇടുക്കി

ജില്ല തദ്ദേശ തെരഞ്ഞെടുപ്പ് ചൂടിലേക്ക് ഇറങ്ങുമ്പോള്‍ വികസന പ്രതിച്ഛായയും ജനക്ഷേമ പ്രവർത്തനത്തിലുള്ള ജനവിശ്വാസവുമായി എൽഡിഎഫും തയ്യാറാണ്. ജില്ലയാകെ ബാധിച്ചിരുന്ന വികസന മുരടിപ്പിനാണ് അഞ്ച് വർഷംകൊണ്ട് എല്‍ഡിഎഫ് സര്‍ക്കാര്‍ അന്ത്യം കുറിച്ചത്. എണ്ണമറ്റ മാതൃകാ പദ്ധതികളും ജനക്ഷേമ പ്രവർത്തനനങ്ങളും ആവിഷ്‍കരിച്ച് നടപ്പാക്കി, പലതും തുടരുന്നു. വികസന സദസ്സുകള്‍ നടത്തി ഇവയെല്ലാം ജനത്തെ ഓര്‍മിപ്പിക്കാനും സ്ഥാപനങ്ങള്‍ക്കായി. പ്രതിപക്ഷത്തിന് പോലും നിഷേധിക്കാനാവാത്ത വികസന പരമ്പരകളാണ് ഓരോ തദ്ദേശ സ്ഥാപനങ്ങളിലും എല്‍ഡിഎഫ് ഭരണസമിതികള്‍ ന‌ടത്തിയത്. സംസ്ഥാനം അതിദാരിദ്രമുക്തമായതിന് തൊട്ടുപിന്നാലെയാണ് തെരഞ്ഞെടുപ്പെന്നത് ഇ‌ടതുപക്ഷത്തിന് മേല്‍ക്കൈ നല്‍കും.

തോട്ടം തൊഴിലാളികളും കര്‍ഷകരും സാധാരണക്കാരും തിങ്ങിപ്പാര്‍ക്കുന്ന ജില്ലയ്‍ക്ക് ഈ പ്രഖ്യാപനം ഏറെ ആശ്വാസമായി. 2392 കുടുംബങ്ങള്‍ക്കാണ് പുതുജീവിതം ഒരുങ്ങിയത്. കെ ഫോണ്‍, കെ സ്‍മാര്‍ട്, ഹൈടെക് സ്‍കൂളുകള്‍, റോഡുകള്‍, പാലങ്ങള്‍, ആശുപത്രി കെട്ടിടങ്ങള്‍, ഇടുക്കി മെഡിക്കല്‍ കോളേജ് വികസം, പട്ടയ വിതരണം(50,000), ഭൂ പതിവ് നിയമ ഭേദഗതി, വന്യജീവി സംരക്ഷണ നിയമ ഭേദഗതി, ലൈഫ് മിഷൻ (25, 500) തുടങ്ങി സംസ്ഥാന സര്‍ക്കാര്‍ പദ്ധതികളുടെയും നയങ്ങളുടെയും ഗുണമേറെ അനുഭവിക്കുന്നത് ജില്ലയിലെ സാധാരണക്കാരാണ്. ഇത്തരത്തില്‍ ജീവിതനിറം മാറി ഗുണപരമായ മാറ്റങ്ങള്‍ അനുഭവിച്ചറിയുന്ന മനുഷ്യരുടെ മുന്നിലേക്കാണ് ജനകീയ സര്‍ക്കാരും ഹൃദയപക്ഷവും വീണ്ടുമെത്തുന്നത്. തദ്ദേശ സ്ഥാപനങ്ങൾ തനതായും സംസ്ഥാന സർക്കാരിന്റെ സഹായത്തോടെയും കോടികളുടെ എണ്ണമറ്റ പദ്ധതികളാണ് ഗ്രാമ–നഗര വ്യത്യാസങ്ങളില്ലാതെ മലയോര ജില്ലയിൽ നടപ്പാക്കിയത്. ഡിസംബര്‍ ഒമ്പതിന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകള്‍ക്കൊപ്പമാണ് ജില്ലയിലും തെരഞ്ഞെടുപ്പ്. ​ ജനങ്ങളിൽനിന്ന് 
അകന്ന് യുഡിഎഫ് പ്രതാപം നഷ്‍ടപ്പെട്ട നിലയിലാണ് യുഡിഎഫ്. വ്യാജ പ്രചാരണങ്ങളും കപട പരിസ്ഥിതിവാദികള്‍ക്കൊപ്പം ചേരുന്ന നിലാപാടുകളും യുഡിഎഫിനെ ജനങ്ങളില്‍നിന്ന് അകറ്റി. ഭൂപ്രശ്നങ്ങളിലടക്കം വാസ്തവവിരുദ്ധ പ്രചാരണങ്ങൾ നടത്തിയാണ് യുഡിഎഫ് മുതലെടുപ്പ് രാഷ്‍ട്രീയത്തിന് മുതിര്‍ന്ന് പരാജയപ്പെ‌ട്ട‌ത്. യുഡിഎഫ് വരുമ്പോൾ ജനതയുടെ ദുരിതം ഒഴിയുമെന്ന് പറയുമ്പോഴും പ്രതിസന്ധിയും പ്രശ്നങ്ങളും മലയോരത്ത് സൃഷ്ടിച്ചത് ആരെന്ന് വ്യക്തമാക്കാൻ മടിക്കുകയും ചെയ്യുന്നു. കുടിയിറക്കുകളും ഭൂപ്രശ്‍നങ്ങളും കർഷക ദ്രോഹ ഭൂനിയമങ്ങളും കൊണ്ടുവന്നത് കോൺഗ്രസ് സർക്കാരുകളാണെന്ന ബോധ്യത്തിലേക്ക് ജനമെത്തുകയാണ്. യുഡിഎഫിന്റെയും കോണ്‍ഗ്രസിന്റെയും കപട രാഷ്‍ട്രീയത്തില്‍ മനംമടുത്ത് പ്രവര്‍ത്തകര്‍ കൂട്ടത്തോടെ സിപിഐ എമ്മിനൊപ്പം ചേര്‍ന്ന് പ്രവര്‍ത്തിക്കുന്ന സാഹചര്യവുമുണ്ട്. ​ യുഡിഎഫ് 
കോട്ടകള്‍ 
തകര്‍ന്നു ​ജില്ലാ പഞ്ചായത്ത് കഴിഞ്ഞവര്‍ഷം യുഡിഎഫില്‍നിന്ന് എല്‍ഡിഎഫ് പിടിച്ചെടുത്തു. ഇത് ഇടതുപക്ഷത്തിന്റെ കൈകളില്‍ ഭദ്രമാണ്. 52 പഞ്ചായത്തുകളി 31 എണ്ണവും എല്‍ഡിഎഫിനൊപ്പമാണ്. യുഡിഎഫിനൊപ്പം 21 മാത്രം. രണ്ട് നഗരസഭകളില്‍ കട്ടപ്പന പൂര്‍ണമായും യുഡിഎഫ് അഴിമതിയിലും കെടുകാര്യസ്ഥതയിലും മുക്കി. തൊടുപുഴ നഗരസഭ എല്‍ഡിഎഫിനൊപ്പമായിരുന്നു നാലുവര്‍ഷത്തിലേറെയും. എട്ട് ബ്ലോക്ക് പഞ്ചായത്തുകളില്‍ നാലെണ്ണം വീതം എല്‍ഡിഎഫിനും യുഡിഎഫിനുമുണ്ട്‌.