ജീവനക്കാരുടെ പൊതുജനാരോഗ്യ സംരക്ഷണ കൂട്ടായ്മ

തൊടുപുഴ

പൊതുജനാരോ​ഗ്യ മേഖലയ സംരക്ഷിക്കണമെന്നാവശ്യപ്പെട്ട് എൻജിഒ യൂണിയൻ, കെജിഒഎ, കെജിഎൻഎ ചേർന്ന്‌ പൊതുജനാരോ​ഗ്യ സംരക്ഷണ കൂട്ടായ്‍മ നടത്തി. സംസ്ഥാനം കൈവരിച്ച നേട്ടങ്ങൾ ഇല്ലാതാക്കാനും അപകീർത്തിപ്പെടുത്താനും ശ്രമിക്കുന്നവരെ ഒറ്റപ്പെടുത്തണമെന്ന് അവര്‍ ആവശ്യപ്പെട്ടു. ഇടുക്കി മെഡിക്കൽ കോളേജ്, തൊടുപുഴ ജില്ലാ ആശുപത്രി, കട്ടപ്പന, പീരുമേട്, നെടുങ്കണ്ടം താലൂക്ക് ആശുപത്രികൾ എന്നിവിടങ്ങളിലായിരുന്നു കൂട്ടായ്‍മ. തൊടുപുഴ ജില്ലാ ആശുപത്രിക്ക് മുന്നിൽ എൻജിഒ യൂണിയൻ സംസ്ഥാന വൈസ് പ്രസിഡന്റ് ടി എം ഹാജറ ഉദ്ഘാടനംചെയ്തു.

എം എം റംസീന അധ്യക്ഷയായി. ടി ജി രാജീവ്, പി എം മുഹമ്മദ് ജലീൽ എന്നിവർ സംസാരിച്ചു. കട്ടപ്പനയിൽ എൻജിഒ യൂണിയൻ സംസ്ഥാന സെക്രട്ടറിയറ്റംഗം എസ് സുനിൽകുമാറും ഇടുക്കി മെഡിക്കൽ കോളേജിന് മുന്നിൽ സംസ്ഥാന കമ്മിറ്റിയംഗം എം എൻ അനിൽകുമാറും നെടുങ്കണ്ടത്ത് ജില്ലാ സെക്രട്ടറി സി എസ് മഹേഷും പീരുമേട്ടിൽ ട്രഷറർ പി എം റഫീഖും ഉദ്ഘാടനംചെയ്തു.

വിവിധ കേന്ദ്രങ്ങളിൽ കെജിഒഎ സംസ്ഥാന കമ്മിറ്റിയംഗം നിഷ എം ദാസ്, ജോബി ജേക്കബ്, പി എ ഷാജിമോൻ, കെ എൻ ബിനുമോൾ, സ്മിതകുമാർ, കെ എസ് ജാഫർഖാൻ, അനീഷ് ജോർജ്‌, ഷീബാ ഗോപി, സുജോ പി ജോൺ എം ടി സീമോൾ, ഇ ആർ അനിൽകുമാർ, ഡോ. പി കെ പ്രശാന്ത് എന്നിവർ സംസാരിച്ചു.