ലേബർ കോഡ്: എൽഐസി 
ഏജന്റുമാർ പ്രതിഷേധിച്ചു

തിരുവനന്തപുരം

തൊഴിലാളി ദ്രോഹ ലേബർ കോഡുകൾ കേന്ദ്രസർക്കാർ ഏകപക്ഷീയമായി നടപ്പാക്കാൻ ശ്രമിക്കുന്നതിനെതിരെ രാജ്യവ്യാപകമായി എൽഐസി ഏജന്റുമാർ ഉത്തരവിന്റെ കോപ്പി കത്തിച്ച്‌ പ്രതിഷേധിച്ചു. എൽഐസി ഏജന്റ്സ് ഓർഗനൈസേഷൻ ഓഫ് ഇന്ത്യ (സിഐടിയു) നേതൃത്വത്തിൽ എല്ലാ ബ്രാഞ്ചുകൾക്ക് മുന്നിലും പ്രതിഷേധ യോഗം നടന്നു. തിരുവനന്തപുരം സിറ്റി ബ്രാഞ്ച് രണ്ടിൽ അഖിലേന്ത്യ ജനറൽ സെക്രട്ടറി ഡോ. പി ജി ദിലീപ് ഉദ്ഘാടനം ചെയ്തു. പ്രസിഡന്റ്‌ സ്റ്റാൻലി കാർമൻ അധ്യക്ഷനായി. സെക്രട്ടറി ജി രാധാകൃഷ്ണൻ, സംസ്ഥാന കമ്മിറ്റി അംഗം വൈ ഫിലിപ്പ്, കെ കെ ചന്ദ്രവല്ലി, കെ മുരളീധരൻ, എസ് ജയലക്ഷ്മി, ജില്ലാ ട്രഷറർ എൻ രാജേന്ദ്രൻ എന്നിവർ സംസാരിച്ചു. ബ്രാഞ്ച് ഒന്നിൽ അഖിലേന്ത്യ വർക്കിങ്‌ കമ്മിറ്റി അംഗം എസ് ഹേമജിത്ത്, മൂന്നിൽ ജില്ലാ കമ്മിറ്റി അംഗം സുമ, നാലിൽ ഡിവിഷൻ എക്സിക്യൂട്ടീവ് കമ്മിറ്റി അംഗം എസ് വിശ്വംഭരൻ നായർ, അഞ്ചിൽ അഖിലേന്ത്യ വർക്കിങ്‌ കമ്മിറ്റി അംഗം സി എസ് അനിത, ആറ്റിങ്ങലിൽ ജില്ലാ സെക്രട്ടറി വി ശശി, നെടുമങ്ങാട്ട്‌ അഖിലേന്ത്യ ട്രഷറർ ടി ജോൺ വില്യംസ് നെയ്യാറ്റിൻകരയിൽ ഡിവിഷൻ കമ്മിറ്റി ട്രഷറർ രവീന്ദ്രൻ നായർ, കിളിമാനൂരിൽ ഡിവിഷൻ സെക്രട്ടറി ബി ഷാജി എന്നിവർ ഉദ്ഘാടനം ചെയ്തു.