കല്ലമ്പലം കെടിസിടി സ്കൂൾ ലോക റെക്കോഡിലേക്ക്

വർക്കല
അറുപത്തൊന്ന് ക്ലാസ് മുറികളിലായി രണ്ടുമണിക്കൂർകൊണ്ട് കൈയെഴുത്ത് മാസികകൾ തയ്യാറാക്കി യുആർഎഫ് ലോക റെക്കോഡിൽ ഇടംനേടി കല്ലമ്പലം കെടിസിടി ഹയർ സെക്കൻഡറി സ്കൂൾ. 2374 വിദ്യാർഥികൾ ചേർന്നാണ് കഥ, കവിത, ചിത്രങ്ങൾ, പൊതുവിജ്ഞാനം, കാർട്ടൂണുകൾ തുടങ്ങിയവ ഉൾക്കൊള്ളിച്ച് ക്ലാസ് മാസികകൾ തയ്യാറാക്കിയത്. സമന്വയം 2025–-26 എന്ന പേരിൽ മാസികകൾ ഒരുക്കുന്നതിന് ക്ലാസുകളിൽനിന്ന് തെരഞ്ഞെടുക്കപ്പെട്ട രണ്ടുവീതം വിദ്യാർഥി എഡിറ്റർമാർ നേതൃത്വം നൽകി. നിർഭയവും സ്വതന്ത്രവുമായ കുരുന്നുചിന്തകൾ സർഗാത്മകതയുടെ പുതുവസന്തം വിരിയിക്കുകയായിരുന്നു. ചുവരെഴുത്തുകളും ഉണ്ടായിരുന്നു. 61 മാസികകളും വ്യത്യസ്തമായ പേരുകളും മുഖചിത്രങ്ങളുംകൊണ്ട് കുട്ടികൾ മനോഹരമാക്കി.









0 comments