സുവർണ മയൂരം സ്‌കിൻ ഓഫ്‌ യൂത്തിന്‌

പനജി

ഗോവയിൽ നടന്ന 56–-ാമത്‌ ഇന്ത്യൻ അന്താരാഷ്‌ട്ര ചലച്ചിത്രമേളയിൽ മികച്ച സിനിമയ്ക്കുള്ള സുവർണ മയൂരം വിയറ്റ്‌നാം ചിത്രം സ്‌കിൻ ഓഫ്‌ യൂത്തിന്‌. ആഷ്‌ലെ മെയ്‌ഫെയറാണ്‌ സംവിധാനം. 40 ലക്ഷം രൂപയും സർട്ടിഫിക്കറ്റും മെഡലുമാണ്‌ പുരസ്‌കാരം. മറാത്തി ചിത്രമായ ഗോണ്ടലിലൂടെ സന്തോഷ് ദവാഖർ മികച്ച സംവിധായകനുള്ള രജത മയൂരം നേടി. എ പൊയറ്റ്‌ ചിത്രത്തിലെ അഭിനയത്തിന്‌ ഉബൈമർ റിയോസിനാണ്‌ മികച്ച നടനുള്ള പുരസ്‌കാരം. സ്ലോവേനിയൻ ചിത്രം ലിറ്റിൽ ട്രബിൾ ഗേൾസിലൂടെ ജാറ സോഫിയ ഓസ്റ്റാൻ മികച്ച നടിയായി. ബ്രിട്ടീഷ്‌– നൈജീരിയൻ സംവിധായകൻ അകിനോള ഡേവിസ്‌ ജൂനിയറിന്‌ പ്രത്യേക ജൂറി പുരസ്‌കാരം (മൈ ഫാദേഴ്‌സ്‌ ഷാഡോ). ബന്ദിഷ് ബാൻഡിറ്റ്‌സ് സീസൺ 2 ആണ്‌ മികച്ച സീരീസ്. മികച്ച നവാഗത സംവിധായകൻ കരൺ സിങ്‌ ത്യാഗി (കേസരി ചാപ്‌റ്റർ 2). ഐസിഎഫ്‌ടി– യുനസ്‌കോ ഗാന്ധി പുരസ്‌കാരം എറിക് സ്വെൻസൺ സംവിധാനം ചെയ്‌ത നോർവീജിയൻ ചിത്രം സേഫ്‌ ഹ‍ൗസ്‌ സ്വന്തമാക്കി.