എൽഡിഎഫ്‌ സ്ഥാനാർഥികൾക്കായി 
ഡിവൈഎഫ്ഐ

പേരൂർക്കട

നഗരസഭയിലെ കേശവദാസപുരം, മുട്ടട വാർഡുകളിലെ എൽഡിഎഫ്‌ സ്ഥാനാർഥികളുടെ വിജയത്തിനായി ഡിവൈഎഫ്ഐ യൂത്ത് മാർച്ച് സംഘടിപ്പിച്ചു. സിപിഐ എം സംസ്ഥാന കമ്മിറ്റി അംഗം കടകംപള്ളി സുരേന്ദ്രൻ ഉദ്ഘാടനം ചെയ്തു. സംസ്ഥാന കമ്മിറ്റി അംഗം എസ് എസ് നിതിൻ അധ്യക്ഷനായി. സിപിഐ എം ജില്ലാ കമ്മിറ്റിയംഗം എം ജി മീനാംബിക സംസാരിച്ചു. കേശവദാസപുരത്ത് വി എസ് ശ്യാമയും മുട്ടടയിൽ അംശു വാമദേവനുമാണ് മത്സരിക്കുന്നത്. ഡിവൈഎഫ്ഐ ജില്ലാ സെക്രട്ടറി ജെ എസ് ഷിജൂഖാൻ, പ്രസിഡന്റ്‌ വി അനൂപ് എന്നിവർ നേതൃത്വം കൊടുത്ത ജാഥ പരുത്തിപ്പാറയിൽ നിന്നാരംഭിച്ച് മുട്ടടയിൽ സമാപിച്ചു. വിവിധ കേന്ദ്രങ്ങളിൽ ആർ ഉണ്ണിക്കൃഷ്ണൻ, ടി എസ് രേവതി, ആർ അമൽ, എം നിതീഷ്, എ ഷാനവാസ്, എ നിഖിൽ, ആർ അജിത്ത്, ഷൈനു രാജേന്ദ്രൻ തുടങ്ങിയവർ സംസാരിച്ചു.