സ്കൂട്ടറിൽ കടത്തിയ
കഞ്ചാവ് പിടികൂടി

​നേമം

സ്കൂട്ടറിൽ കടത്തിയ കഞ്ചാവ് സിറ്റി ഡാൻസാഫ് സംഘം പിടികൂടി. സംഭവത്തിൽ വെള്ളായണി സ്റ്റുഡിയോ റോഡ് കൊച്ചുകളിയിക്കൽ ലെയ്‌നിൽ ശിവനിവാസിൽ ശിവൻ (44) പിടിയിലായി. വ്യാഴം രാത്രി പത്തോടെ സ്റ്റുഡിയോ റോഡിൽ വച്ചാണ് 16 കിലോ വീതമുള്ള എട്ട് പാക്കറ്റുകളിലായി കടത്താൻ ശ്രമിച്ച കഞ്ചാവ് പിടികൂടിയത്. സംഭവത്തിൽ ഒപ്പമുണ്ടായിരുന്ന തൗഫീർ എന്നയാൾ ഓടി രക്ഷപ്പെട്ടു. ഇയാളാണ് കഞ്ചാവ് കൈമാറിയതെന്ന് ശിവൻ മൊഴി നൽകി. ത‍ൗഫീറിനായി അന്വേഷണം ഊർജിതമാക്കിയതായി പൊലീസ് അറിയിച്ചു. നേമം പൊലീസിന്റെ റ‍ൗഡി ലിസ്റ്റിൽ പെട്ടയാളാണ് തൗഫീർ.