മസ്തിഷ്ക മരണ സ്ഥിരീകരണം: 
ഡോക്ടർമാർക്ക് പരിശീലനം

തിരുവനന്തപുരം

മസ്തിഷ്ക മരണം സ്ഥിരീകരിക്കുന്നതിലെ സാങ്കേതികവും നിയമപരവുമായ കാര്യങ്ങളിൽ ഗവ. ഡോക്ടർമാർക്ക് പരിശീലനം നൽകി. കേരള സ്റ്റേറ്റ് ഓർഗൻ ആൻഡ് ടിഷ്യു ട്രാൻസ്‌പ്ലാന്റ്‌ ഓർഗനൈസേഷന്റെ (കെ- സോട്ടോ) നേതൃത്വത്തിൽ നടന്ന പരിപാടി മെഡിക്കൽ വിദ്യാഭ്യാസ ഡയറക്ടർ കെ വി വിശ്വനാഥൻ ഉദ്ഘാടനം ചെയ്തു.മസ്തിഷ്ക മരണം നിർണയിക്കുന്നതിനുള്ള നടപടിക്രമങ്ങൾ, സാങ്കേതികതകൾ, നിയമപരമായ ചട്ടക്കൂടുകൾ എന്നിവയിലായിരുന്നു പരിശീലനം. കെ -സോട്ടോ എക്സിക്യുട്ടീവ് ഡയറക്ടർ ഡോ. എസ് എസ് നോബിൾ ഗ്രേഷ്യസ്, അഡ്മിനിസ്ട്രേറ്റീവ് ഓഫീസർ ബിനോയ് മാത്യു എന്നിവർ സംസാരിച്ചു. വിവിധ വിഷയങ്ങൾ ഡോ. പി ചിത്ര, ഡോ. അനിൽ സത്യദാസ്, ഡോ. ബിജു ഭദ്രൻ, ഡോ. ധന്യ രവീന്ദ്രൻ എന്നിവർ വിശദീകരിച്ചു.