ഞങ്ങള്‍ സന്തുഷ്ടരാണ്

a
വെബ് ഡെസ്ക്

Published on Nov 28, 2025, 12:15 AM | 1 min read

സ്വന്തം ലേഖിക

മലപ്പുറം

‘ പഠനം പൂർത്തിയാക്കി എങ്ങനെ ജോലി കണ്ടെത്തും എന്നറിയാതെ നിൽക്കുന്ന സമയത്താണ്‌ വിജ്ഞാന കേരളം തൊഴിൽമേളയെ കുറിച്ച്‌ അറിയുന്നത്‌. ഒരു എക്സ്‌പീരിയൻസ്‌ ആവട്ടെ എന്ന ചിന്തയിലാണ്‌ പങ്കെടുത്തത്‌. എന്നാൽ ആ തീരുമാനം എന്നെ എത്തിച്ചത്‌ പുതിയ തൊഴിലിടത്താണ്‌. സ്വന്തം വരുമാനം കണ്ടെത്താൻ കഴിയുക എന്നത്‌ വല്യ കാര്യമാണ്‌. വിജ്ഞാന കേരളം തൊഴിൽ മേളയിലൂടെയാണ്‌ ഞാനത്‌ നേടിയത്‌’–ജോലി നേടിയതിന്റെ ആഹ്ലാദം പങ്കുവച്ച്‌ രേഷ്‌മ പറഞ്ഞു. തൃശൂർ സ്വദേശി കെ ആർ രേഷ്‌മ (33) വിവാഹത്തോയൊണ്‌ അകമ്പാടം പെരുമ്പത്തൂരിലെത്തുന്നത്‌. കുഞ്ഞിന്റെ ജനനശേഷം, 2020ലാണ്‌ ബിഎഡ്‌ പഠനം പൂർത്തിയാക്കുന്നത്‌. കുട്ടികൾക്ക്‌ ട്യൂഷനെടുത്തിരുന്നെങ്കിലും സ്ഥിരം ജോലിയെന്ന സ്വപ്നം യാഥാർഥ്യമായില്ല. അങ്ങനെയിരിക്കുമ്പോഴാണ്‌ വാർഡ്‌ മെമ്പർ മഞ്ജു അനിൽ വിജ്ഞാനകേരളം കുടുംബശ്രീയുമായി സഹകരിച്ച്‌ നടത്തുന്ന തൊഴിൽമേളയെ കുറിച്ച്‌ പറയുന്നതും പങ്കെടുക്കുന്നതും. തൊഴിൽ മേളയിലൂടെ ദി സെൻട്രൽ ഫിനാൻഷ്യൽ ക്രെഡിറ്റ്‌ ആൻഡ്‌ ഇൻവസ്റ്റ്‌മെന്റ്‌ (ഇന്ത്യ) സ്ഥാപനത്തിൽ ബിസിനസ് ഡെവലപ്മെന്റ്‌ എക്സിക്യൂട്ടീവ്‌ (ബിഡിഇ) ആയി നിയമനം ലഭിച്ചു.


പറക്കാനുള്ള 
തയ്യാറെടുപ്പിലാണ്‌

‘ജർമനിയിൽ നഴ്‌സ്‌’– ആ സ്വപ്‌നത്തിലേക്ക്‌ പറക്കാനുള്ള തയ്യാറെടുപ്പിലാണ്‌. ആദ്യഘട്ടം കഴിഞ്ഞു. ഇപ്പോൾ കോഴിക്കോട്‌ ട്രെയിനിങ്ങിലാണ്‌. ജർമൻ ഭാഷാ പഠനമാണ്‌ പ്രധാനമായും നടക്കുന്നത്‌. ബിഎസ്‌സി നഴ്‌സിങ് കഴിഞ്ഞതിനുശേഷം കുറച്ചുകാലം കൊൽക്കത്തയിൽ ജോലിചെയ്‌തു. പിന്നീട്‌ നാട്ടിലെത്തി. ആ സമയത്താണ്‌ വിജ്ഞാന കേരളം തൊഴിൽമേളയെ കുറിച്ച്‌ അറിയുന്നത്‌. വിജ്ഞാന കേരളം ആപ്പിലൂടെയൊണ്‌ ജർമനിയിലെ അവസരത്തെ കുറിച്ച്‌ അറിയുന്നത്‌. അങ്ങനെയാണ്‌ മമ്പാട്‌ നടത്തിയ തൊഴിൽമേളയുടെ ഭാഗമാവുന്നതും അവസരം ലഭിക്കുന്നതും. ലക്ഷ്യത്തിലെത്താൻ ഇനിയും കടമ്പകളുണ്ട്‌. പറന്നുയരാൻ വഴിയൊരുക്കിയത്‌ വിജ്ഞാന കേരളമാണ്‌. തൊഴിൽ തേടുന്നവർക്ക്‌ വലിയൊരിടമാണ്‌ ഇത്‌.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home