പാദപൂജ 
പ്രാകൃതങ്ങളിലേക്കുള്ള തിരിച്ചുപോക്ക്: 
കലാസാഹിത്യസംഘം

മലപ്പുറം

പാദപൂജപോലുള്ള അനാചാരങ്ങൾ പ്രാകൃതകാലങ്ങളിലേക്ക് സമൂഹത്തെ തിരിച്ചുകൊണ്ടുപോവുന്നതാണെന്ന് പുരോഗമന കലാസാഹിത്യസംഘം ജില്ലാ കമ്മിറ്റി പത്രക്കുറിപ്പിൽ പറഞ്ഞു. ഇത്തരം പ്രവർത്തനങ്ങൾ നാളുകളായി നാം നേടിയെടുത്ത പുരോഗമനാംശങ്ങളെ ചോർത്തിക്കളയുന്നതാണ്. സമത്വവും മതാതീതബോധവും പുലരേണ്ട വിദ്യാലയങ്ങളിലാണ് ഇവ അരങ്ങേറുന്നതെന്നത്‌ ഏറെ ഖേദകരമാണ്‌. അടിമ മനോഭാവം കുട്ടികളിൽ ഉടലെടുക്കുന്നതിനും അപകർഷതാബോധം രൂപപ്പെടുന്നതിനും ഇത് കാരണമാവും. ഇത്തരം പ്രവർത്തനങ്ങളെ ഉത്തരവാദപ്പെട്ടവർ ഭാരതീയതയുടെ അടയാളങ്ങളായി വ്യാഖ്യാനിക്കുന്നത് അപലപനീയമാണെന്നും സാഹിത്യസംഘം അറിയിച്ചു.