ദേശീയപാതയിൽ പരിശോധന

കോട്ടക്കൽ

ദേശീയപാത ആറുവരിപാതയിൽ വാഹനങ്ങൾ അപകടത്തിൽപ്പെടുന്ന സംഭവത്തിൽ ജില്ലാ മോട്ടോർ വാഹന വകുപ്പ് എൻഫോഴ്സ്മെന്റ്‌ വിഭാഗം സ്പെഷ്യൽ ഡ്രൈവ് നടത്തി. പാതയിൽ അപകടമേഖലയായി മാറിയ ചേളാരി, ചെട്ടിയാർമാട്, കക്കാട് എടരിക്കോട് മമ്മാലിപ്പടി, പുത്തനത്താണി, കുറ്റിപ്പുറം എന്നീ സ്ഥലങ്ങൾ കേന്ദ്രീകരിച്ചായിരുന്നു നടപടികൾ. ഈ ഭാഗങ്ങളിൽ അപകട മരണങ്ങൾ വർധിച്ച സാഹചര്യത്തിൽ കൂടുതൽ സുരക്ഷിതമാക്കാനുള്ള റിപ്പോർട്ട് കൈമാറി. ആറുവരിപാതയിൽ അനധികൃതമായി യാത്രക്കാരെ കയറ്റിയിറക്കുന്ന പത്തോളം സ്വകാര്യ ബസുകൾക്കെതിരെ നടപടിയെടുത്തു. നിയമലംഘനം നടത്തിയ നൂറോളം വാഹനങ്ങൾക്കെതിരെ നടപടി സ്വീകരിച്ചു.

കുറ്റിപ്പുറം മുതൽ രാമനാട്ടുകരവരെയുള്ള ഭാഗങ്ങളിൽ നോ പാർക്കിങ്‌ സോൺ, അനുവദനീയമല്ലാത്ത വാഹനങ്ങൾ പാതയിലേക്ക് കടക്കാതിരിക്കാനുള്ള നടപടികൾ, മറ്റു സുരക്ഷ അടക്കമുള്ള നിർദേശങ്ങൾ ജില്ലാ റോഡ് സേഫ്റ്റി കൗൺസിലിന് കൈമാറി.