പരിമിതികൾ മറന്ന്‌ അവർ മധുരം പകരും

ചേർത്തല

ലോക ഭിന്നശേഷി വാരാഘോഷത്തോടനുബന്ധിച്ച് ജിഎച്ച്എസ്എസ് ചേർത്തല സൗത്തിൽ ഭിന്നശേഷിക്കുട്ടികളെ കേയ്‌ക്ക്‌ നിർമാണം പരിശീലിപ്പിച്ചു. അധ്യാപികയായ ചിത്രലേഖ കേയ്‌ക്ക്‌ നിർമിക്കുന്നത്‌ എങ്ങനെയെന്നും ആവശ്യമായ സാധനസാമഗ്രികൾ എന്തൊക്കെയെന്നും കുട്ടികളെ പഠിപ്പിച്ചു. കൊച്ചിൻ ശാസ്‌ത്ര സാങ്കേതിക സർവകലാശാലയും എസ്എസ്‌കെയും ചേർന്ന്‌ സ്‌കൂളിൽ സ്ഥാപിച്ച ക്രിയേറ്റീവ് കോർണറിലായിരുന്നു കേക്ക്‌ നിർമാണം. ചേർത്തല ബിആർസി പരിധിയിലെ സ്‌കൂളുകളിൽ ചിത്രരചന , പോസ്റ്റർ നിർമാണം, ബിഗ് കാൻവാസ്, സ്‌പെഷ്യൽ അസംബ്ലി, വിളംബരജാഥ എന്നിവയും നടന്നുവരുന്നു. സ്‌പെഷ്യൽ എഡ്യൂക്കേറ്റർ അമ്പിളി നേതൃത്വം നൽകി, എസ്‌എസ്‌കെ ജില്ലാ പ്രോഗ്രാം ഓഫീസർമാരായ പി എസ്‌ ബിജി, നാഗലക്ഷ്‌മി, ബിപിസി ടി ഒ സൽമോൻ. പ്രധാനാധ്യാപിക എസ്‌ മീര എന്നിവർ പങ്കെടുത്തു.