"മരിച്ചയാൾ' സിനിമയാകുമ്പോൾ

ചെങ്ങന്നൂർ

സംസ്ഥാന ചലച്ചിത്ര വികസന കോർപറേഷൻ നിർമിച്ച് അജിത് വേലായുധൻ സംവിധാനംചെയ്യുന്ന പുതിയ ചിത്രത്തിന്റെ (പ്രൊഡക്ഷൻ നമ്പർ 11) സ്വിച്ച് ഓൺ ചടങ്ങുകൾ പള്ളിപ്പാട് നടന്നു. നിർമാതാവും ഫെഫ്ക പ്രഡിഡന്റുമായ ഷിബു ജി സുശീലൻ സ്വിച്ച്ഓൺ ചെയ്തു. സംവിധായിക പി ടി രതീന, കേരള സ്പിന്നിങ് മിൽ ചെയർമാൻ എ മഹേന്ദ്രൻ എന്നിവർ പങ്കെടുത്തു. അന്തരിച്ച കവി ബിനു എം പള്ളിപ്പാടിന്റെ "മരിച്ചയാൾ’ എന്ന കവിതയെ ആധാരമാക്കിയ സിനിമയുടെ ചിത്രീകരണം അപ്പർ കുട്ടനാടിന്റെ പശ്ചാത്തലത്തിൽ പള്ളിപ്പാടും ചെന്നിത്തലയിലും അച്ചൻകോവിലാറിന്റെ തീരപ്രദേശങ്ങളിലുമാണ് ആരംഭിക്കുന്നത്. അച്ചൻകോവിലാറിന്റെ മധ്യത്തിൽ വേദിയൊരുക്കിയാണ്‌ സ്വിച്ച് ഓൺ നടത്തിയത്‌. ക്യാമറ അൻസർ ഷാ, എഡിറ്റിങ് രഞ്ജിത്ത് കുഴൂർ, ആർട്ട്‌ രഞ്ജിത്ത് രാജൻ, മേക്കപ്പ് റോണി വെള്ളതൂവൽ, സിങ്ക് സൗണ്ട് ബി രാമഭദ്രൻ, ബി ആൻഡ് ബി നിതിൻ, കോസ്റ്റ്യൂം ഇഖ്‌ലാസ് ജവാദ്, ചീഫ് അസോസിയറ്റ് ചേതൻ വ്യാസ്, അസോസിയറ്റ് സിബിൻ രാജ്, പ്രൊഡക്ഷൻ എക്സിക്യൂട്ടീവ് സനൂപ് ചങ്ങനാശേരി എന്നിവരാണ് സിനിമയുടെ സാങ്കേതികരംഗത്ത് പ്രവർത്തിക്കുന്നത്.