ഇത്‌ മാന്നാർ കോട്ട

ജില്ലാ കലോത്സവത്തിൽ തുടർച്ചയായ 23-–ാം വർഷവും ഓവറോൾ കലാകിരീടം നേടി മാന്നാർ നായർ സമാജം ഹയർസെക്കൻഡറി സ്‌കൂൾ. 277 പോയിന്റ്‌ നേടിയാണ്‌ കലാമാമാങ്കത്തിൽ ഒന്നാമതെത്തിയത്‌. ചേർത്തല മുട്ടം ഹോളി ഫാമിലി 207 പോയിന്റുമായി രണ്ടാംസ്ഥാനവും 204 പോയിന്റുമായി അമ്പലപ്പുഴ ഗവ. മോഡൽ എച്ച്എസ്എസ് മൂന്നാംസ്ഥാനവും നേടി. 194 പോയിന്റ് നേടി തുറവൂർ ടിഡി എച്ച്എസ്എസ് നാലാമതും 176 പോയിന്റ് നേടി ഹരിപ്പാട് ഗവ. ജിഎച്ച്എസ്എസ് അഞ്ചാമതുമായി. 220 പോയിന്റോടെ ഹയർസെക്കൻഡറി വിഭാഗത്തിലും മാന്നാർ ചാമ്പ്യരായി. ആകെ 51 ഇനങ്ങളിൽ മത്സരിച്ച സ്‌കൂൾ 19 എണ്ണത്തിൽ ഒന്നാമതെത്തി. 10 ഗ്രൂപ്പ്‌ ഇനങ്ങളിലും ഒമ്പത്‌ വ്യക്തിഗത ഇനത്തിലുമാണ്‌ സംസ്ഥാന തലത്തിലേക്ക്‌ തെരഞ്ഞെടുക്കപ്പെട്ടത്. ​