ഡബിളടിച്ച്‌ ലജനത്തുൽ

പൂർവവിദ്യാർഥികളുടെ ശിക്ഷണത്തിൽ മത്സരിക്കാനിറങ്ങിയ ലജനത്തുൽ മുഹമ്മദ്‌ സ്കൂളിന്‌ ഇരട്ടനേട്ടം. എച്ച്‌എസ്‌എസ്‌ വിഭാഗം ദഫ്‌ മുട്ടിലും വട്ടപ്പാട്ടിലുമാണ്‌ സംസ്ഥാന തലത്തിലേക്കുള്ള ടിക്കറ്റ്‌ ഉറപ്പിച്ചത്‌. പത്ത്‌ പേരടങ്ങുന്ന ടീമിലെ മുഹമ്മദ് ഫർഹാൻ, മുഹമ്മദ് ഇ‍ൗസ, മുഹമ്മദ് ബിലാൽ, എൻ മുഹമ്മദ് ബിലാൽ, മുഹമ്മദ് യാസീൻ, ഫാദിൽ അഫ്‌സൽ എന്നിവർ ഇരു മത്സരത്തിലും പങ്കെടുത്തു. പൂർവ്വവിദ്യാർഥികളായ സജാദ്‌ സാദിഖിന്റെയും എ ഫറുദിന്റെയും ശിക്ഷണത്തിൽ എട്ട്‌ വർഷത്തിന്‌ ശേഷമാണ്‌ സ്കൂൾ ദഫ-ിൽ മത്സരിച്ചത്‌. ഹാളിലൂർ, ഷെയ്‌ലില്ല തുടങ്ങിയ ബൈത്തുകളാണ്‌ സംഘം പാടിയത്‌. എ ഫാദിൽ, ഹാദ‍ീസ്‌ നിസാർ, ആഷിഖ്‌, എ സൽമാൻ മുഹമ്മദ് ഷിനാസ്‌ എന്നിവരാണ്‌ അംഗങ്ങൾ. വട്ടപ്പാട്ടിൽ തുടർച്ചയായ അഞ്ചാം തവണയാണ്‌ സ്കൂളിന്റെ നേട്ടം. അഞ്ചുവർഷവും സംസ്ഥാന തലത്തിൽ എ ഗ്രേഡ്‌ ലഭിച്ചു. മുഹമ്മദ് സെബി, മുഹമ്മദ് ഷമ്മാസ്‌, മുഹമ്മദ് അമ‍‍ീർ, മുഹമ്മദ് അഫ്‌ദാർ എന്നിവരാണ്‌ മറ്റ്‌ ടീം അംഗങ്ങൾ.